English | عربی | Kurdî دواهەواڵ
ڕاستەوخۆ  
 
توێژینه‌وه‌یه‌ك: هه‌نگووینی هه‌موو جیهان ده‌رمانی کیمیاوی تێدایه‌
2017-10-11 [05:24 AM]

ZNA - هه‌ولێر


 

توێژینه‌وه‌یه‌کی نوێ له‌گۆڤاری زانستیدا بڵاوکراوه‌ته‌وه‌ ده‌ڵێت، دوای وه‌رگرتنی سامپڵی هه‌نگوین له‌ هه‌موو جیهاندا ده‌رکه‌وتوه‌ ده‌رمانی کیمیاویان تێدایه‌.

 

توێژینه‌وه‌که‌ ده‌ڵیت له‌وانیه‌ ئه‌مه‌ هۆکار بێت بۆ که‌مبوونه‌وه‌ی ژماره‌ی شاره‌كانی هه‌نگ. ‌هه‌روه‌ها ئه‌مه‌ش به‌ئاگا هێنانه‌وه‌یه‌ له‌زۆری به‌کارهێنانی ده‌رمانی کیمیاوی له‌کێڵگه‌کاندا بۆ په‌ره‌سه‌ندنی به‌رووبوومی کشتوکاڵی.

 

سه‌رپه‌ڕشتیاری توێژینه‌وه‌که‌ پرۆفیسۆری بایۆلۆجی له‌زانکۆی نیوشاتڵ له‌ سویسرا ده‌ڵێت، "به‌هۆی که‌می ئاستی ده‌رمانه‌ کیمیاوه‌یه‌کان به‌په‌پێوانه‌کانی حکومه‌ت، ئه‌مه‌ بۆ مرۆڤ کێشه‌ی گه‌وره‌ نییه‌، به‌ڵام ئه‌وه‌ی گرفته‌ ئه‌و جێگایانه‌ی که‌ هیچمان لێ نه‌دۆزیوه‌ته‌وه‌ زۆر که‌مبوون".

به‌درێژایی ساڵانی ڕابردوو زۆر له‌ توێژینه‌وه‌کان له‌ تاقیگه‌ و له‌ کێڵگه‌کان، ده‌رمانی کیمیاوی جۆره‌کانی "نیۆنیکۆتینۆداس" و "نێۆنیکس" ده‌به‌ستنه‌وه‌ به‌ که‌مبوونه‌وه‌ی شانه‌کانی هه‌نگ و لاوازبوونی هه‌نگ به‌گشتی.

 

بۆ 10 ساڵه‌ شانه‌کانی هه‌نگ له‌که‌مه‌بوونه‌وه‌دایه‌، وه‌ک شاه‌زیان ده‌ڵین، هۆکاره‌کانی ده‌گه‌ڕێته‌وه‌ بۆ کۆمه‌ڵێک فاکته‌ر له‌وانه‌، ده‌رمانی "نیۆنیکس"، مشه‌خۆره‌کان، نه‌خۆشی، گۆڕانکاری که‌ش و هه‌وا و که‌مبوونه‌وه‌ی ناوچه‌ی سه‌رچاوه‌ی خۆراک. زیاتر له‌ سێ‌یه‌کی خۆراکی مرۆڤ له‌ ڕوه‌که‌وه‌ دێت، که‌ هه‌نگ هۆکاری سه‌ره‌کیه‌ بۆ گواستنه‌وه‌ی هه‌ڵاڵه‌و پیتاندنیان.

 

VOA





ئەم هەواڵە 71683جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad