English | عربی | Kurdî دواهەواڵ
ڕاستەوخۆ  
 
ڤان کۆخ لە بەیروت دەبێت
2017-10-11 [05:11 AM]

هەولێر – ZNA


لە دوای بەرهەمهێنانی فیلمێک لەبارەی شێوەکاری هۆڵەندی، ڤێنسێنت ڤان کۆخ، بڕیارە ئەم بەرهەمە سینەماییە لە بەیروت نمایشبکرێت.

 

فیلمەکە بەناوی "لە خۆشەویستی ڤێنسێنت"ـە کە چەندین تابلۆی ئەو شێوەکارە تێیدا بەکارهاتوون.

 

ئەم بەرهەمە سینەماییە لە دەرهێنانی هیۆ ویلیشمان و دۆرۆتا کۆپێلایە و بڕیارە ئەمڕۆ چوارشەممە لە چوارچێوەی چالاکییەکانی 17مین خولی فێستیڤاڵی نێودەوڵەتیی فیلمی بەیروت نمایشبکرێت.

 

فیلمەکە بە وتەیەکی ڤان کۆخ دەستپێدەکات کە دەڵێت "ناتوانین گوزارشت لە خۆمان بکەین، تەنها لەرێگەی تابلۆکانمانەوە نەبێت".

 

ڤان کۆخ کە بە باوکی هونەری نوێ ناسراوە، خاوەنی چەندین تابلۆی شێوەکارییە.

 

فیلمێکی سینەماییە بەناوی "لەڤینگ ڤێنسێنت" بەرهەمهاتووە کە ١٣٠ تابلۆی، شێوەکاری هۆڵەندی، ڤێنسێنت ڤانکۆخ، بەشێوەی جوڵاو لەخۆدەگرێت.

 

بۆ دووبارە کێشانەوە تابلۆکانی ڤانکۆخ، ١٢٥ وێنەکێش لەسەرتاسەری جیهاندا بەشداربوونە.

 

لە نیۆیۆرک و لۆس ئەنجلۆس لە ئەمریکا، نمایشی تایبەتی ئەم فیلمە بەڕێوەچوو و بڕیارە لەم مانگەدا نمایشی لە سینەماکانی ئەوروپا بەڕێوبچێت.

 

فیلمەکە ماوەی حەوت ساڵ کاری بۆ کراوە و بە بڕی ٥ ملیۆن و ٥٠٠ هەزار دۆلاری ئەمریکی بەرهەمهاتووە.

 

ڤێنسنت ڤان کوخ، لە 30 ئازاری 1853 لە وڵاتی هۆڵەنەدا لە دایک بووە، هەرچەند ژیانێکی ئاڵۆز و سەیری هەبووە، بەڵام ئێستا بە یەکێک لە شێوەکارە هەرە ناودارەکانی جیهان دەناسرێت.





ئەم هەواڵە 1633جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad