English | عربی | Kurdî دواهەواڵ
ڕاستەوخۆ  
 
ئه‌وه‌ی لە بایۆمەتری تۆمار نەكرابێت مووچەكەی رادەگیرێت
2017-10-12 [05:19 AM]

ZNA - هه‌ولێر


 

بەرپرسێكی حكوومەت ڕای دەگەیەنێت، یه‌كه‌ ژمێریارییەكان و گەنجینەكان لیستی مووچەیان بۆ لیژنەی تۆماری مووچە ناردووه‌، وتیشی، ئەم مانگە مووچە لەسەر بنەمای بایۆمەتری دەبێت بەڵام خانەنشین و سەربازی ناگرێتەوە.


سەمیر هەورامی، گوتەبێژی سیستمی بایۆمەتری تۆماری مووچە رایگەیاند، مووچەی ئەو مانگە لەسەر بنەمای تۆماری بایۆمەتری دەبێت و ئەوەی خۆی تۆمار نەكردبێت و کۆدی بایۆمەتری نەبێت ئەوە مووچەكەی ڕادەگیرێت تاوەكو تۆمار دەكرێت.


روونی كردەوە ئەو بڕیارە ئەو مانگە تەنها فەرمانبەرانی شارستانی دەگرێتەوە، فەرمانبەرانی خانەنشین، سەربازی و ئەمنی ناگرێتەوە بەڵكو ئەوان لە مانگی داهاتوو یان مانگێكی دواتر دەیانگرێتەوە.


سەمیر هەورامی ئاشكراشی كرد، لەم چەند رۆژە لەلایەن یەكە ژمێریارییەكان و گەنجینەكان لیستی مووچە نێردراوە بۆ لیژنەی تۆماری مووچە و لیستەكان بەراورد كراون و ناردراون بۆ وەزارەتی دارایی ئەوەی ناوی لەو لیستانە نەبێـت و لە بایۆمەتری تۆمار نەكرابێت مووچەكەی رادەگیرێت.


تاوەكو ئێستا زیاتر لە ملیۆنێك و 202 هەزار مووچەخۆر لە تۆماری بایۆمەتری مووچە تۆماركراون.

 

باسنیوز





ئەم هەواڵە 2596جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad