English | عربی | Kurdî دواهەواڵ
ڕاستەوخۆ  
 
بڕێک پارەی گەنمی جووتیارانی دهۆک گەیشت و بەسەریاندا دابەش دەکرێت
2017-10-15 [05:11 AM]

ZNA- هەولێر


 

بڕی ٢٥ ملیار دیناری پارەی گەنمی جووتیارانی دھۆک گەیشتە کوردستان و دەست بە دابەشکردنی دەکرێت.

 

نەوزاد ئەدھەم، بەڕێوەبەری گشتیی بازرگانی لە وەزارەتی پیشەسازی و بازرگانی ھەرێمی کوردستان بە باسنیوزی راگەیاند: "بڕی ٢٥ ملیار دیناری پارەی گەنمی جووتیارانی پارێزگای دھۆک بۆ ساڵی ٢٠١٧ گەیشتووەتە کوردستان و سبەی بەپێی چەکەکان دابەش دەکرێتە سەر جووتیارانی ئەو پارێزگایە".

 

ئەو پەرپرسەی وەزارەتی بازارگانی ئاماژەی بەوەشدا، پارەی جووتیارانی پارێزگای دھۆک دواکەوتبوو، بەڵام پارەکە لە بەغداوە ناردراوە و سبەی دووشەممە ١٦ی ١٠ دەست بە دابەشکردنی دەکرێت، کە ھەموو ئەو پارانەیان پێ دەدرێت کە ماویانە وەری بگرن.

 

جەختیشی کردەوە، پارەی گەنمی جووتیارانی پارێزگای سلێمانی دابەشکراوە و لە ھەولێریش بەپێی کاتی ڕادەستکردنی گەنمەکان پارەکان دەدرێتە جووتیاران.

 

نەوزاد ئەدھەم، گوتیشی: "لە کۆی پارەی گەنمی ٢٠١٧ی جووتیارانی کوردستان ٤٧ ملیار دینار لای بەغدا ماوە و چاوەڕوانی ناردنی دەکەن بۆ ئەوەی دابەشی سەر جووتیارانی بکەن".

 

لە ساڵی ٢٠١٤ەوە تاکو ئێستا بەبڕیارێکی سیاسی حکوومەتی عێراق بەشێکی زۆر لە شایستە داراییەکانی جووتیارانی کوردستان بەبیانووی جۆراوجۆر نەدراوە، سەرەڕای ئەوەی لە کاتی خۆیدا بەرھەمەکان وەردەگرێ.

 

بڕی شایستە داراییەکانی جووتیارانی کوردستان بۆ ساڵانی (٢٠١٤-٢٠١٥-٢٠١٦) کە لەلای حکوومەتی عێراقی ماوە و ھێشتا خەرجی نەکردووە، بەم شێوەیەی خوارەوەیە:

 

ساڵی ٢٠١٤ - ٦٠ ملیار دینار

ساڵی ٢٠١٥ - ٢٤٣ ملیار دینار

ساڵی ٢٠١٦ - ٣٨٦ ملیار دینار





ئەم هەواڵە 403جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad