English | عربی | Kurdî دواهەواڵ
ڕاستەوخۆ  
 
لێکۆڵەرێکی ئەمریکی: سولەیمانی لە کەرکووکەوە شەڕی دژی ئەمریکا دەکات
2017-10-22 [11:11 AM]

ZNA- هه‌ولێر


لێکۆڵەرێکی ئەمریکی رایدەگەیەنێت، کە فەرماندەی سوپای قودسی ئێرانی مەترسیدارە لە کەرکووکەوە شەڕی دژی ئەمریکا دەکات.

 

مارک بوبوویتز، بەڕێوەبەری گشتیی دامەزراوەی بەرگریی لە دیموکراسی لە ئەمریکا لە چاوپێکەوتنێکی کەناڵی (FOXNEWS)ی وڵاتەکەی، رایگەیاندووە، داگیرکردنی کەرکووک تەنیا شەڕی کورد و میلیشیاکان نییە، ”شەڕی ئێرانە لە دژی ئەمریکا و دۆستەکانی“.

 

مارک بوبوویتز داوای لە وڵاتەکەی کردووە ئەگەر دۆستێکی باش نابێ بۆ گەلی کوردستان، با دوژمنیش نەبێ و لەبیر نەکا پێشمەرگە و گەلی کوردستان ”دۆستی نزیک“ی ئەمریکان و خوێنیان لەگەڵ هێزە ئەمریکییەکان رشتووە.

 

ئەو لێکۆڵەرە ئەمریکییە بە ئاماژەی بە رۆڵی قاسم سولەیمانی، فەرماندەی سوپای قودسی ئێران لەو داگیرکارییەی کەرکووک کردووە و رایگەیاندووە، سولەیمانی ”کەسێکی مەترسیدارە بۆ ئەمریکا“ و پیلانی داگیرکردنی کەرکووکی بۆ حەشدی شەعبی و پاسدارانی وڵاتەکەی داڕشتووە و ”نابێ ئەمریکا بەو داگیرکارییە رازی بێت“.

 

مارک بوبوویتز پێی وایە قاسم سولەیمانی بە هەموو شێوەیەک کار دەکات بۆ شکستپێهێنانی هەوڵەکانی دۆناڵد ترەمپی سەرۆکی ئەمریکا تایبەت بە سنووردارکردنی دەستتێوەردانەکانی ئێران لە رۆژهەڵاتی ناوەڕاست و جیهان و داگیرکردنی کەرکووکیش یەکێک بووە لەو کارانەی سولەیمانی.

 

ئەو لێکۆڵەرە ئەمریکییە سوپای پاسدارانی ئێران بە ”تیرۆریست“ ناودەبات و پێی وایە بە داگیرکردنی هەولێر لەلایەن ئەو سوپایە و حەشدی شەعبی، ”گورزێکی کوشندە“ بەر بەرژەوەندییەکان و ئاسایشی نەتەوەیی ئەمریکا دەکەوێت.

 

بوبوویتز بە پێویستی دەزانێ ئەمریکا چەند هەنگاوێک بۆ پاراستنی گەلی کوردستان بهاوێژێت:

 

- دەبێ ترسی راستەقینە بۆ پاسدارانی ئێران و حەشدی شەعبی دروست بکەین.

- دەبێ بە پاسداران و حەشدی شەعبی بڵێین رێگا نادەین کوردستان تووشی شکست بێت.

 

- دەبێ پەیامێکی روون بدەین بە ئێران و حەشدی شەعبی، کە رێگە نادەین چیتر هێرش بکەنە سەر دۆستەکانمان.

- دەبێ هەڕەشەی ناردنی هێز بکەین و رێگە بە ئێران نەدەین هەولێر داگیر بکات.

 

مارک بوبوویترز هەوڵەکانی ئێران بۆ درزخستنە ناو ماڵی کورد بە سەرکەوتوو دەزانێ و رایدەگەیەنێت، پێویستە ئەمریکا کار بکات بۆ یەکخستنەوەی ناو ماڵی سیاسیی کوردستان، چونکە ”ئێران هەمیشە سوود لە ناکۆکییەکان وەردەگرێت“.

 

بەرەبەیانی رۆژی دووشەممە 16/10/2017، میلیشیاکانی حەشدی شەعبی بە سەرپەرشتیی و بەشداریی سوپای پاسدارانی ئێران هێرشیان کردە سەر کەرکووک و شارەکەیان داگیر کرد و هەزاران هاووڵاتیی ئەو شارە روویان لە هەولێر و شارەکانی دیکەی کوردستان کرد.

 

رۆژی چوارشەممە 18/10/2017، کۆسرەت رەسوڵ، جێگری سکرتێری گشتیی یەکێتی لە پەیامێکدا رایگەیاند، کە چەند “کاڵفام”ێکی ناو حزبەکەی ئەو پیلانەیان لە دژی گەلی کوردستان جێبەجێ کرد و رایگەیاند، “ئۆباڵی کارەساتەکانی کەرکوک و ھەموو زیانە گیانی و مادی و مەعنەویەکانی تری گەلەکەمان ئەکەوێتە ئەستۆی ئەو کاڵفامانەی ناو یەکێتی”.





ئەم هەواڵە 688جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad