English | عربی | Kurdî دواهەواڵ
ڕاستەوخۆ  
 
ئەمریکا: ده‌بێت هێزەکانی ئێران به‌خێرایی لە عێراق بچنه‌ ده‌ره‌وه‌
2017-10-31 [11:07 AM]

​ZNA – هه‌ولێر


بەرپرسانی باڵای ئەمریکا جەختیان لەسەر پێویستی چوونە دەرەوەی هێزەکانی سەر بە سوپای پاسدارانی ئێران لە ناو خاکی عێراق کردەوە.

 دەنگی ئەمریکا بڵاوی کردەوە، لە پەراوێزی کۆبوونەوەی لیژنەی پەیوەندییەکانی دەرەوەی ئەنجومەنی پیرانی ئەمریکا، ڕیکس تیلرسن وەزیری دەرەوەی ئەو وڵاتە جارێکی دیکە جەختی لەسەر چوونە دەرەوەی خێرای هێزە سەربازییەکانی ئێران لە عێراق کردەوە.

لەو کۆبوونەوەیەدا کە بۆ تاوتوێکردنی ڕێگەدانی دووبارە بە بەکارهێنانی هێزی سەربازی بۆ دژایەتیکردنی تیرۆر ڕێکخرابوو، وەزیری دەرەوەی ئەمریکا گووتی بە ڕوونی ڕامانگەیاندووە کە بە شکست پێهێنانی داعش، هێزە دەرەکییەکان، لەوانە هێزەکانی ئێران دەبێ خاکی عێراق جێبهێڵن.

 ئەوەشی ڕایگەیاند کە هێزەکانی ئەمریکا تا کۆتایی پێهێنانی تەواوی داعش لە عێراق دەمێننەوە.

بە گووتەی سەرچاوەکەی ئەمریکا، ئێران بە سەرکردایەتی قاسم سولێمانی فەرماندەی فەیلەقی قودسی سەر بە سوپای پاسداران، هێزی سەربازی لە عێراق و سووریادا بڵاوە پێکردووە و واشنتۆن پێی وایە کە تاران بە بیانووی شەڕی تیرۆر، هاوکاری پێشکەش بە گرووپە توندڕەوەکانی ئەو دوو وڵاتە دەکات و ڕۆڵی هەیە لە ناسەقامگیریی ناوچەکە.

 





ئەم هەواڵە 4858جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad