English | عربی | Kurdî دواهەواڵ
ڕاستەوخۆ  
 
ھەمیشە ئاشتیخوازبووین
2017-11-06 [10:11 AM]

نووسینی: عارف روشدی


ھەر کاتێک گەلی کوردستان جاڕی شۆڕشی دابێت لە ناچاری بووە، چونکە ھیچ ڕێگاچارەیەکی دیکە بەرامبەر ستەمی داگیرکەران نەدەما، لە شۆڕشیشدا پەنانەبراوە بەر تیرۆر و سەربڕینی خەڵک، چەند ڕوژێکە کەرکوک و ھەندێ شوێنی دیکەی دەرەوەی ئیدارەی ھەرێمی کوردستان دووبارە لە لایەن ھێزە عیراقییەکانەوە داگیرکراونەتەوە، لە سەر دەستی حەشدی شیعی و ھێزەکانی دیکەی عیراق ئەنفالێکی دیکەیان ئەنجامداوە بە تایبەتی لە شاری خوشەویستی نیشتمانپەروەری (دوزخورماتو)، بە سەربڕین و تاڵان و بڕین و ئەتکی ناموس کەرب و کینەی شۆڤینیستی - تائیفی یان بە سەرگەلەکەماندا داباراندووە، خەریکە ناسنامەی (ھەرێمی کوردستان ) دەگۆڕن بۆ (پارێزگاکانی باکوری عێراق )، لە ناحییەی جەبارە (٤١٤) پارچە زەوییان تەرخانکردووە بۆ عەرەبی تەعریب، لە ناحییەی زوممار (٥٤) قوتاپخانەیان داخستووە کراونەتە بارەگا ! زمانی کوردییان قەدەغەکردووە لە قوتابخانەکاندا! نەخوشخانەی شەنگالیان داخستووە! زۆربەی ھەرە زۆری بەڕێوەبەری فەرمانگەکانیان گۆڕیوە بە کەسانی سەر بە حەشدی شیعی. 
سەرەڕای ئەمانەش، بەردەوام بە گوتاری ناشایستە ھەڕەشە دەکەن و خواستیان داگیرکردنی تەواوی کوردستانە . 
بەڵام، دڵنییام ھەر دەبێ نوشست بێنن، ڕاپرسی بوو بە (دوکیومێنتێکی مێژوویی)، تەنانەت دادگای فیدراڵی عیراقیش لە بریارێکیدا (نەیتوانیوە ڕاپرسی بە نادەستوری ناوزەد بکات) ھەر چەندە دادگاکانیان جێگای متمانەش نین . لە لایەکی دیکەوە پێویستە حکومەت و پەرلەمانی کوردستان لە سەر ئاستی عێراق و کۆمەڵگای نیودەوڵەتی بە دۆکیومێنت و بە بەرفراوانی ھەموکردەوە ستەمکارانە و تاوانەکانی حکومەتی بەغدا بەرامبەر بە گەلەکەمان بیخەنەڕوو، وەک سکاڵا لە دادگا تایبەتمەندەکاندا تۆماری بکەن و داوای لێپێچینەوە ی یاسایی بکرێت، ھەروەھا پەرە بە کاری دیبلۆماسی و ھەماھەنگی لەگەڵ ولاتان و دۆستانی گەلەکەمان پتەوتربکرێت .بەمەبەستی پشتگیری لە خواستی ڕەوای گەلەکەمان و کوتاییھێنانی یەکجارەکی بە مەینەت و ئاڵۆزییەکانی ولاتەکەمان.





ئەم هەواڵە 3379جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad