English | عربی | Kurdî دواهەواڵ
ڕاستەوخۆ  
 
لە بەردەم گێژەڵوكەی رۆژگاردا چی بكەین؟
2017-11-08 [10:35 AM]

نووسینی: دڵشاد مستەفا وەسانی


لە ١٠٠ ساڵی رابردوودا ٢٧ ساڵ بۆ کورد لە ھەرێمی کوردستان دۆخێکی جیاواز بووە، لەم ماوەیەدا لەگەڵ زیادبوونی ئومێد، دڵەڕاوکێی پاشەکشەش ھەبووە، ھۆی ئەمەش بۆ ھەلومەرجی نێودەوڵەتی و ناوخۆی کوردستان دەگەڕێتەوە، لێ دووەمیان بەلای خەڵکی کوردستانەوە ناسۆرترە، چونکە بەردەوام دوژمنانمان سوودیان لە کەلێنی نێوان ھێزە سیاسییەکان وەرگرتووە، ناتەبایی گورزی کوشندەی لێداوین، لێنەگەڕاوە لەبەردەم گێژەڵوکەی رۆژگاردا، ھەر لایە و بە پرۆژەیەکەوە، خۆی بۆ پرۆژەیەکی ھەمەلایەنی کوردستانی ئامادە بکات، بەداخەوە بیرازکردنەوەی ناکۆکی، بارودۆخی نێودەوڵەتی و ئیقلیمی بۆ حزب دەقۆزێتەوە نەک نیشتمان.
ھەر کاتێک خۆمان ھەبووبین، دەرفەتیش باشتر و تا رادەیەک خێراتر ھاتۆتەپێش، ھەندێ جاریش تەبایی و یەکڕیزی کوردستان، ئیرادەی نێودەوڵەتی رۆڵی لە ھاتنەکایەی ھەبووە، راپەڕینی ١٩٩١ بە یەکگرتوویی کرا، بەرھەمەکەی دوای ساڵێک و دوو مانگ، ھەڵبژاردن و دامەزراندنی پەرلەمان و حکوومەتی ھەرێمی کوردستان بوو، لە ١٩٩٤ تا ١٩٩٨ شەڕی ناوخۆمان کرد، رێککەوتنی واشنتۆن لە ئەیلوولی ١٩٩٨ لە نێوان بارزانی و تاڵەبانی لەسەر دەستی مادلین ئۆڵبرایتی وەزیری دەرەوە ئیمزا کرا، بەمەش کۆتایی بە رەشترین رۆژگار ھات و لاپەڕەی نوێ ھەڵدرایەوە، دواتر زەمینەیەک رەخسا و دیسان کورد بە یەکگرتوویی لە رووداوەکانی ٢٠٠٣ ی کۆتایی ھاتنی رژێمی سەدام و سەرەتای قۆناغێکی نوێ ئامادە بوو.
دەستمان بۆ گەورەترین پرۆژە برد، بەڵام دیسان ناکۆکیی حزبی پەندی پێکردین، خەڵکی کوردستان بە رێژەی نزیکەی ٩٣% دەنگی بە سەربەخۆیی دا، بەڵام کە گەلەکۆمەکیی عێراق و ئێران و تورکیا و تەنانەت سوریا لە سایەی بێدەنگیی کۆمەڵگەی نێودەوڵەتی، ھەڕەشەکانی لە سەر زەوی جێبەجێ کرد، ھەندێ لایەن خۆیان بە سەرکەوتوو زانی و بزەیان کەوتە سەر لێوان، ئەمەیان بە شکستی کورد و غەدری گەورە لە نیشتمان نەزانی، بەڵکو بە کەوتنی پارتی و ئەو حزبانەیان لە قەڵەمدا کە پێیان وابوو ریفڕاندۆم ئامرازە بۆ سەربەخۆیی و داڕشتنی گوتارێکی یەکگرتووی پتەو.
ئەوەی تێبینی دەکرێ، ناوچەکە بەرەو دۆخێکی ناھەموار دەڕوات، راستە ئێمە لە ١٦ ی ئۆکتۆبەر، بە گەلەکۆمەی دەوروبەر، بەڵام بە تەقینەوەی رقی کۆنی ناکۆکیی حزبی لە کەرکووک، خراینەوە ناو دەستورێک کە بەغدا خۆی لە جێبەجێکردنیدا دەدزێتەوە.
عێراق دەیەوێ کۆتایی بە ھەرێمی کوردستان بێنێت، ھێشتا ئەمەریکا و دەوڵەتانی دی ئیشیان بە ناوچەکە ھەیە و خەریکی جێبەجێکردنی بەرنامەکانیانن، بەڵام ھێدی ھێدی، ئەو پەلە پەلییەی لە ئێمەیە لەوان نییە، ئێستا لەبەردەم گێژەڵوکەی رۆژگارداین، ئەوە دەوڵەتانی داگیرکەر لە بۆسەدان، ئەمەریکا و ھاوپەیمانەکانیشی لە جیھان و ناوچەکە، خەریکی خۆخڕکردنەوەن بۆ رووبەرووبوونەوەی ئێران، ئێمە لە حاڵەتێکداین ناتوانین سەیری رووداوەکان بکەین و خۆمان بێلایەن پیشان بدەین، وەگەڵ ھەڵڵاش نەکەوین ھەر دەبینە سووتەمەنی، بۆیە باشترە یەکگرتووبین و قسەیەکمان ھەبێت.





ئەم هەواڵە 6466جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad