English | عربی | Kurdî دواهەواڵ
ڕاستەوخۆ  
 
شاکیرا داوای لێبوردن دەکات
2017-11-08 [03:30 AM]

هەولێر – ZNA


خانمە گۆرانیبێژی کۆلۆمبی، شاکیرا، پەیامێکی بڵاوکردەوە، تێیدا داوی لێبوردن لە جەماوەرەکەی دەکات لە ئەڵمانیا.

 

بڕیاربوو شاکیرا کۆنسێرتێک لە شاری کۆلن لە ئەڵمانیا سازبکات، بەڵام وەک خۆی باسی دەکات بەهۆی خراپی دەنگی، ناتوانێت لەو کاتەدا گۆرانی بڵێت و بەهۆیەوە کۆنسێرتەکە سازناکرێت.

 

ئەو گۆرانیبێژە جیهانییە، لەرێگەی پۆستێکەوە کە لە تۆڕە کۆمەڵایەتییەکاندا بڵاویکردووەتەوە، تێیدا ئاماژە بۆ ئەوە دەکات، بەهۆی پرۆڤەکردنەوە لە چەند رۆژی رابردوودا، ژێ دەنگییەکانی زیانی بەرکەوتووە و بەهۆیەوە پزیشک پێی راگەیاندووە، نابێت گۆرانی بڵێت و دەبێت پشوو بدات.

 

گوتیشی "دڵگرانم کە ناتوانم لەگەڵ ئێوەدا بم و لە کۆنسێرتەکەدا گۆرانی بڵێم، کە بڕیاربوو ئەمڕۆ یەکشەممە لە کۆڵن بەڕێوەبچێت".

 

شاکیرا لەگەڵ گرووپی Live Nation کار بۆ ئەوە دەکەن کاتێکی دیکە دیاری بکەن بۆ ئەوەی کۆنسێرتەکە سازبکەن.

 

شاکیرا، بەنیازی سازکردنی گەشتێکی هونەرییە کە بڕیارە لە ئەڵمانیاوە دەستپێبکات، دواتریش لە فەڕەنسا، بەلژیکا، ئیسپانیا، پورتوگال، سویسرا و لۆکسمبۆرگ درێژەی پێبدات.

 





ئەم هەواڵە 874جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad