English | عربی | Kurdî دواهەواڵ
ڕاستەوخۆ  
 
پەیامێک لە یەکێتی ئافرەتانی کوردستانەوە
2017-11-24 [06:12 AM]

ZNA- هەولێر


پەیامی یەكێتی ئافرەتانی كوردستان بە بۆنەی 25 نۆڤەمبەر ، رۆژی بەرەنگاربوونەوەی توندوتیژی دژ بە ئافرەتان

یەكسانخوازانی بەرێز...
 توندوتیژی، دیاردەیەكی گشتگیر و نەخوازراوی كۆمەڵگەیە كە زۆر جار  دەرحەق بە ئافرەت ئەنجامدەدەرێت هەر چەندە باسكردن لەو بابەتە لەگەڵ  سەردەمی ئێستادا كە سەردەمی  دیموكراسیەت و پێشكەوتنە لە جیهاندا ناگونجێت ، بەڵام هەلومەرجی رۆژهەڵاتی ناوەڕاست بەو شەڕو  ململانییە سیاسیەی كە لە ناوچەكە روودەدات راستەوخۆ كاریگەری لە پەرەسەندنی دیاردەی توندوتیژی دژ بە مافەكانی ئافرەت  هەیە، كوشتن ، ئیهانە كردن ، دەستدرێژی كردن و بە شوودانی كچ لە تەمەنی زۆر بچووك و ئازاردانی ئافرەت بە هەموو جۆرەكانییەوەلەو كۆمەڵگەیەدا بوونی هەیە ، ئەمەش واتای زاڵبوونی هەژموونی عەقڵییەتی توندئاژووانەی گرووپێكی كۆمەڵگەن كە ناسنامەی مرۆڤبوون لای ئەوان تەنیا ئاژاوەگێری و توندوتیژییە بەرامبەر بە ئافرەت، عەقڵییەتێك كە بڕوای بە بوون و پێگە و بەها مرۆڤایەتییەكان نییە و پێشێلی هەموو بنەماكانی مرۆڤبوون و  بەها ئەخلاقی كۆمەڵایەتییەكان دەكات و بڕوایان بە مۆدێلێكی نوێی شارستانی و دیموكراسیبوونی كۆمەڵگە نییە 
بەڕێزان....
لە كوردستاندا ماوەی چەند ساڵێكە بە حوكمی دیموكراسی و نیمچە سەربەخۆیی كوردستان ئافرەتان دەرفەتێكی باشیان بۆ رەخساوە كە بتوانن پرۆڤەی مافە مەدەنی و سیاسییەی خۆیان بكەن و رۆژ بە رۆژ دەستكەوتێكی مەزن و بەدەست بهێنن ، بەڵام بە هۆی شەڕی نەگریسی داعش و داگیركردنی چەند ناوچەیەكی كوردستان  لە لایەن ئەو عەقلیییەتە توندرەوە و لەو چوارچێوەیەدا ئافرەتان  رووبەڕووی چەندین دیاری توندوتیژی بوونەوە و مافەكانیان پێشێل كرا،  هەر بۆیە ئەمڕۆ پێویستە كە بە هەماهەنگی هەموو لایەك    رووبەرووی ئەو دیاردە نەخوازراوانە بینەوە كە دوورە لە هەر بنەمایەكی دیموكراسی و مەدەنیانە و  داوا لە هەموو لایەك دەكەین كە پاڵپشتییەكی نێودەوڵەتی دروست بكرێت بۆ پاراستنی  ئەو دەستكەوتانە و رووبەڕووبوونەوەی هەر دیاردەیەكی نەخوازراوی توندوتیژی كە  دژ بە ئافرەت دەبێتەوە،  ئەمڕۆ جیهان بە چەك شەڕی بنبڕكردنی تیرۆر دەكات ،تیرۆریش سەرچاوەی توندوتیژی و دەرهاویشتەی عەقڵییەتێكی چەقبەستوویە،  لە ناوبردنی ئەو  عەقڵییەتەش پێویستی  بە بەكارهێنانی چەكی رۆشنبیری وهۆشیارییە بۆ ئەوەی هەوڵی  بنبڕكردنی بدەین  و هاودەرفەتی و یەكسانی و دادپەروەری كۆمەڵایەتی ببێتە بنەمای پێكەوەژیانی هەردوو رەگەز و گەیشتن بە كەناری ئارامی ژیان. 
یەكێتی ئافرەتانی كوردستان 
         25\11\2017





ئەم هەواڵە 1063جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad