English | عربی | Kurdî دواهەواڵ
ڕاستەوخۆ  
 
بەرپرسێکی حەشدی شەعبی: دەستەی بچووک بچووکی چەکدارانی داعش ماون و نامانەوێت گەورەببن
2017-11-25 [10:44 AM]

ZNA – ھەولێر


جێگری سەرۆکی دەستەی حەشدی شەعبی رایگەیاند: "گرووپی بچووک بچووکی تیرۆریستان سەرلەنوێ لە ناوچە رزگارکراوەکان دەرکەوتوونەتەوەو بەنیازین بەرپەرچیان بدەینەوە".

ئەمڕۆ شەممە ٢٥/١١/٢٠١٧ پێگەی ئەلیکترۆنی حەشدی شەعبی لێدوانێکی ئەبو مەھدی موھەندیسی بڵاوکردووەتەوەو دەڵێت: "ئۆپەراسیۆنی کێوماڵکردن لە ناوچەکانی جەزیرە و باکووری حەو‌زی فورات و باشووری  قەزای راوە و حەزەر و ناوچەکانی تکریت و مووسڵ دەستیپێکردووە و دەمانەوێت کۆنترۆڵی ئەو گرووپ و کۆمەڵە تیرۆریستانە بکەین کە ھێشتا لە ناوچەکاندا ماون".

جێگری سەرۆکی دەستەی حەشدی شەعبی، کە خۆیشی یەکێکە لەو کەسانەی لە ساڵی ٢٠٠٩ـوە خراوەتە لیستی تیرۆری ئەمریکاوە دەڵێت: "دەمانەوێت دوایین پێگەکانی تیرۆریستانی داعش لەو ناوچانە کۆنترۆڵ بکەین، بەڵام ئەوە بە واتای کۆتاییھاتنی داعش نییە، چونکە گرووپەکانیان لە ناوچەکانی دیکەدا ماون، ئەوەش پێویستی بە گەڕان و پشکنینی گەورە ھەیە، تەنانەت لەو ناوچانەشی کە رزگارکراون، چونکە گرووپ و دەستەی بچووک بچووکی چەکدارانی داعش ماون و نامانەوێت یەکبگرنەوەو گەورەببن".

ھەر چەندە بەرپرسانی عێراق و وڵاتانی ناوچەکە و جیھان، کۆتاییھاتنی داعشیان لە رووی سەربازییەوە راگەیاندووە، بەڵام ھەموویان ھاوڕان کە بە واتای کۆتاییھاتنی داعش نییە و مەترسییەکی جددین لەسەر ناوچەکە و جیھان، بەتایبەتی عێراق و سووریا.





ئەم هەواڵە 1507جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad