English | عربی | Kurdî دواهەواڵ
ڕاستەوخۆ  
 
یەکێتی تۆپی پێی کوردستان چەند بڕیارێکی گرنگ دەردەکات 
2017-11-25 [07:52 AM]

ZNA- ھەولێر 



ئەمڕۆ شەممە بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان لە بارەگەی خۆی لە ھەولێر، لە سێ کۆبوونەوەی جیاوازدا لەگەڵ نوێنەری ھەریەک لە یانەکانی لاوانی نایابی کوردستان و یانە پلەیەکەکانی کوردستان و یانە پلەنایابەکانی کوردستان کۆبوویەوە.. 

 لە کۆتاییدا گەیشتنە ئەم بڕیارانەی خوارەوە:
١-    خولی نایابی لاوانی کوردستان بە بەشداری (١٣) یانە بەرێوە دەچێت و بەسەر دوو گرووپ بە پێی شوێنی جوگرافی دابەشکراون، گرووپی یەکەم پێک دێت لە (ھەولێر، پ. ھەولێر، برایەتی، زێرەڤانی، زاخۆ، ھەندرێن، دھۆک و گارە)، گرووپی دووەم پێک دێت لە (خانەقین، ھەڵەبجەی شەھید، شێروانە، پ. سلێمانی و نەورۆز)، لە گرووپی یەکەم سێ یانە و لە گرووپی دووەم دوو یانە بۆ قۆناغی کۆتایی سەردەکەون، بڕیاریشە گەڕی یەکەمی خولەکە لە ٢٠١٧/١٢/٨ بەرێوە بچێت.

٢-    خولی پلەیەکی کوردستان بە بەشداری (١٣) یانە بەرێوە دەچێت و بە پێی شوێنی جوگرافی بەسەر دوو کۆمەڵە دابەش کراون، دوو یانە بۆ ریزی یانە پلەنایابەکانی کوردستان سەردەکەون و یەک یانەیش بۆ ریزی یانە پلەدووەکان دادەبەزێت، بڕیاریشە خولەکە لە ٢٠١٨/١/١٦ دەست پێ بکات.


٣-    دوای گفتوگۆیەکی تێروتەسەل لەگەڵ نوێنەری ھەر (١٠) یانەکەی خولی نایابی کوردستان، دوای ئەوەی نوێنەری ھەردوو یانەی (نەورۆز و سیروانی نوێ) داوایان کرد چەند رۆژێک مۆڵەتیان بدەنێ بۆ ئەوەی لەگەڵ سەرۆک و ئەندامانی خۆیان قسە بکەن، بۆ ئەوەی بڕیاری کۆتایی لە بارەی بەشدارییکردن یان نەکرد لە خولی نایابی کوردستان بدەن، یەکێتی تۆپی پێی کوردستان مۆڵەتی یەک ھەفتەی پێدان.

بڕیاردرا شەممەی دادێ ٢٠١٧/١٢/٢ لە کات ١٢:٠٠ ـی نیوەڕۆ کۆبوونەوە و تیروپشکی خولی نایابی کوردستان بۆ وەرزی ٢٠١٧/٢٠١٨ ئەنجام بدرێت.

ی.ا





ئەم هەواڵە 601جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad