English | عربی | Kurdî دواهەواڵ
ڕاستەوخۆ  
 
بۆچی عەبادی دانوستاندنان ل گەل هەرێمێ رەت دكەت؟
2017-11-28 [06:51 AM]

نڤیسینا: رەوان نهێلێ


پشتی ریفراندوما هەرێما كوردستانێ و ب تایبەت روودانێن 16 ئوكتوبەرێ و ژ دەست دانا پرانیا وان دەڤەرێن كوردستانی یێندەرڤەی هەرێمێ،نێچیرڤان بارزانی سەرۆكێ حوكمەتا هەرێما كوردستانێ گەلەك داگیران بۆ دەستپێكرنا دانوستاندنان ل گەل بەغدا كرن، بێ گومانە ئەڤ بزاڤێن حوكمەت و هەرێما كوردستانێ ژی نە ژبەر پرۆژێ شكەستنا ریفراندومێ بوویە، بەلكو ژبەر هندێ یە كو هەرێمێ پشتی 2003 ێ كار بۆهندێ دكرعیراقەك دیموكرات و فیدرال ژ دایك ببیت كو مافێ هەموو نەتەوە و پێكهاتان تێدا یێ پاراستی بیت، لەومان ژی داخوازكرنا ئەنجامدانا دانوستاندنان ل گەل بەغدا، بەری ریفراندومێ هەر هەبوویە و ب دەهان جاران شاندێن كوردی چووینە بەغدا ب مەرەما دانا مافێن كوردان یێن دەستووری، بەلێ بێ ئەنجام بوویە و ئەگەر هەتا بەری ریفراندومێ ژی ب چەند رۆژان كێشێن هەرێمێ یێن هەلاویستی ل گەل بەغدا هاتبانە چارەكرن، رەنگە كوردان پەنا بۆ ریفراندومێ نەدبر، هەروەكی سەرۆك بارزانی د گوتارێن خوەدا بۆ جەماوەرێ كوردستانێ بەری ریفراندومێ ئەو چەندە دووپات دكر كو ئەگەر گرەنتی بۆ مافێن كوردان هەبیت، ئەو ریفراندومێ ئەنجام نادەن، كەواتە حەیدەر عەبادی یێ سەرۆك وەزیرێن عیراقێ نە ژبەر هندێ ناهێتە بن بارێ دانوستاندنان كو هەرێمێ ریفراندوم یێ ئەنجام دای، عیراقێ د دیرۆكا خوەدا باوەری ب پێكڤەژیان و دیموكراسیەتێ نەیوویە، لەومان ژی ئەگەر گەلێ كورد زانیبا عیراقا پشتی سەدام حسێن دێ ئەڤە بیت، رەنگە سێ پارێزگەهێن هەرێمێ دژی دەستوورێ عیراقێ ب نەخێر دەنگ دابا و دا شكەستن كەڤیتە وی دەستووری و هێنە هەلوەشاندن، ژبەر كو هەموو نەتەوە و پێكهاتێن عیراقێ، هزر دكر پشتی ژ ناڤ چوونا رژێما بەعس، عیراق دێ پشتەڤانیێ ل هەموو تەخ و چینێن خوە كەت، بەلێ وەسا دەرنەكەت، عیراق چ دەما بهێز كەتبیت یێ بوویە گەف بۆ سەر پێكهاتێن خوە، شەرێ داعش هێش ب دوماهی نەهات هێرش كرە سەر كوردستانێ و دوەختێ خوەدا ژی نوری مالكی گەفێن وێ یەكێ كربوون كو ئەگەر فرۆكێن f16 بگەهنە دەستێ وان، ئەو دێ هێرشێ كەنە سەر كوردستانێ، كەواتە عیراقێ باوەری ب دانوستاندنان نینە و لەومان ژی ناهێتە بن بارێ دانوستاندنان ژبەر كو عیراقێ پشتی 2003 ێ چو بەهانەك نەبوویە كو مادێ 140 بجه نەئینای، هەروەسا چ بەهانەك نەبوویە كو بودجە و مووچێ وەلاتیێن هەرێمێ بری، هەروەسا چو بەهانەك نەبووینە كو هاریكاریا ئاوارێن خوە نەكەت كو ب ملیونەها ئاواران قەستا هەرێمێ كرینە ژبەر وێ عیراقا د حوكمرانیێ دا شكەستن خواری و نوكە ژی چو بەهانەك نەمایە كو نەهێنە بن بارێ دانوستاندنان ئەگەر ژبەر ریفراندومێ بیت ژبەر كو نێچیرڤان بارزانی سەرۆك وەزیرێن كوردستانێ ئەنجامێن ریفراندومێ سر كرن و ب هەمی رەنگان كەشێ دانوستاندنان یێ خوەش كری، بەلێ هەر بەغدا یێ ئەنجامدانان دانوستاندنان رەت دكەت، لەومان دڤێت عیراق بگەهتە وێ باوەریێ كو دانوستاندن و رێككەفتن ل گەل عیراقێ د بەرژەوەندیا لایەنەكێ دا نینە دژی لایەنەكێ دی، بەلكو عیراق و هەرێمێ چەندین ئاستەنگێن سیاسی و ئابووری هەنە كو پێدڤی ب هندێ دكەت كو بەرپەرێ نوی د ناڤبەرا خوە دا ڤەكەن و چارەسەریا هەموو كێشێن هەلاویستی بكەن و عیراق ڤەگەریت بۆ دەستووری نەكو تەفسیرا تاكلایەنانە بۆ دەستووری بكەت، هەروەكو سەرۆك وەزیرێن هەرێمێ نێچیرڤان بارزانی،دووپات كری كو نابیت عیراق ب تاكلایانە بڕیاران بدەت و دڤێت هەموو مادێن دەستووری بجه بینیت.





ئەم هەواڵە 2536جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad