English | عربی | Kurdî دواهەواڵ
ڕاستەوخۆ  
 
شادیە ماڵئاوایی لە ژیان کرد
2017-11-29 [04:13 AM]

ZNA – هەولێر


خانمە ئەکتەر و گۆرانیبێژی میسری، شادیە، بەهۆی نەخۆشییەوە، لە تەمەنی ٨٦ ساڵیدا ماڵئاوایی لە ژیان کرد.

 

شادیە بەهۆی بە تەمەندا چوونی و ناجێگیری باری تەندروستیی، بۆ ماوەیەکی زۆر لە نەخۆشخانەدا مایەوە.

 

بڕیارە هەر ئەمڕۆ، لە رێورەسمێکدا تەرمی شادیە لە قاهیرە بە خاک دەسپێردرێت.

 

شادیە ناوی تەواوی، فاتیمە ئەحمەد کەمال شاکرە، باوکی ژەنیار بووە و بۆ کاری هونەری کچەکەی هانداوە.

 

یەکەم فیلمی شادیە لە ساڵی ١٩٤٧ بەناوی "گوڵ و دڕک" بڵاوکرایەوە، لە هەمان ساڵدا بەشداری لە فیلمێکی دیکەی سینەمایی کرد بەناوی "مێشک لە مۆڵەتە" کە لەگەڵ گۆرانیبێژی میسری، فەوزی محەممەد رۆڵی گێڕاوە.

 

شادیە، لە ساڵی ١٩٨٦ و لە دوای بەشداریکردن لە ١١٢ فیلم و تۆمارکردنی ٦٥٠ گۆرانی، لە کاری هونەری دوورکەوتەوە.

 

خولی ئەمساڵی فێستیڤاڵی نێودەوڵەتیی فیلمی قاهیرە، کە ئەمساڵ ٣٩مین خولی بوو، وەک رێزلێنانێک لەو ئەکتەرە خولەکە بەناوی ئەو کرا.

 

لەو کاتەی ئەو شادیە لە نەخۆشخانە بوو، سەرۆکی میسر، عەبدولفەتاح سیسی و هاوژینەکەی سەردانی ئەو ئەکتەریان کرد.

 

    





ئەم هەواڵە 379جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad