English | عربی | Kurdî دواهەواڵ
ڕاستەوخۆ  
 
٥٦ ساڵە بە بێ مۆڵەتی شۆفێری ئۆتۆمبێل لێدەخورێت 
2017-11-29 [04:23 AM]

ZNA- ھەولێر 



ھەرچەندە وڵاتی ئەڵمانیا بەناوبانگە بە پەیرەوکردنی یاسا و زۆرینەی ئەندامانی کۆمەڵگەی ئەڵمانی زۆر پابەندن بەسەرجەم یاساکان و بەتایبەتی جێبەجێکردنی یاساکانی ھاتووچۆ بەڵام ھەندێک سەرپێچی سەیریش روودەدات. 

بەپێی ھەواڵێکی رۆژنامەکانی ئەڵمانیا , پیاوێکی ئەڵمانی کە ئێستا تەمەنی ٧٤ ساڵە ماوەی ٥٦ ساڵە شۆفێری دەکات بێ ئەوەی مۆڵەتی شۆفێری ھەبێت . 

دەرکەوتنی ئەم راستییە لەکاتی روودانی رووداوێکی ھاتووچۆ بووە , کاتێک پیاوەکە لەسەر رێگەی گەڕانەوەی بۆ ماڵەوە لەگەڵ ئۆتۆمبێلێک تووشی رووداوی ھاتووچۆ دەبێت , کاتێک پۆلیس دەگەنە شوێنی رووداوەکە داوای مۆڵەتی شۆفێری لەھەردوو لا دەکەن , پیاوە بەتەمەنەکە دەڵێت من مۆڵەتی شۆفێریم لا نییە , دوای پشکنین دەردەکەوێت ئەو پیاوە لە سیستەمی ھاتووچۆی وڵاتی ئەڵمانیا مۆڵەتی شۆفێری ھەر نەبووە . 

ھەرچەندە پیاوەکە گووتوویەتی لەکاتی لاوێتی جارێک مۆڵەتی شۆفێریم دەرھێناوە و دواتر نوێم نەکردۆتەوە , بەڵام ھیچ بەڵگەیەکی یاسایی لەبەر دەست نەبووە کە بیسەڵمێنێت مۆڵەتی شۆفێری ھەبووە , لەبەر ئەمە دراوەتە دادگا. 

پیاوە بەتەمەنەکە خەڵکی ناوچەی ساورلاندی باکووری ھەرێمی وستڤالیای ئەڵمانیایە. 

یاسین ئەحمەد 
سەرچاوە / ھاڤ پۆست
 





ئەم هەواڵە 901جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad