English | عربی | Kurdî دواهەواڵ
ڕاستەوخۆ  
 
لەو رۆژەی جەنابی ئەمیر ئێھمالكراوە خەریكی چیە؟
2017-12-02 [02:10 AM]


لەو رۆژەی جەنابی ئەمیر ئێھمالكراوە خەریكی چیە؟

ئومێد وەڵاتی  

زۆر باش بەبیرم دێت لەو رۆژەی كابرای ئەمیر لەلایەن پارتی و سەركردایەتیەكەی و حزبێكی ئیسلامی  و چەند سەركردەیەكی كورد ئێھمالكراوە  ھەر رۆژە و لەشوێنێك و ھەرجارە و لەدەزگایەكی راگەیاندن  بۆی برەخسێت ھەرچی دێتە بەردەمی دەردەكات.
ئەوەی من بزانم چەندین جار داوای كردووە  كە بەبێ یەك و دوو و بەرازی بوونی ھەموو شتێك مل بنێت بەرێگای پیرمامەوە ، بەڵام ھەموو جار رەفزی وەرگرتووە ، چونكە  سەركردایەتی پارتی گەیشتونەتە ئەو قەناعەتە كە ھەرچی بۆ ئەو كابرایە بكرێت و بەگوێی بكەن ، ھەرجارێك بۆی برەخسێت وەك پێشوو دەست بەكار و كردەوە خراپەكانیەوە دەكات.
كابرای ئەمیر ھیچ نەما نەكات  بۆ ئەوەی دژایەتی پارتی بكات رۆژێك لای خوا ناسەكانە و رۆژێك لای ئەو جۆرە كەسانەیە كەھەرچی خوا پێی ناخۆشە ئەنجامی دەدەن ، مرۆڤ ئازادە خواناس دەبێت یان بەپێچەوانەوە ، بەڵام بۆ کەسێك ناگونجێت كە بەقسەی خۆیی دەڵێت (شەوان خوا لەخەون دا دەبینم)  كەچی بەرۆژ خۆشترین كاتەكانیشی دانیشتن بێت لەگەڵ مەشروب خۆرێك .

ئەمیر گەیشتووەتە ئەو قەناعەتە كە وەك پێشوو نە گوێی لێدەگیرێت و نە بەقسەی دەكەن بۆیە وا شڵەژاوە و ئەوەی دێتە بەردەمیدا لەدژی پارتی و خودی جەنابی سەرۆك بارزانی  دەڵێ ، ئەو ھەرچی بكات و كێش پاڵپشتی بكات ؟ ناگاتە جارێكی ئاستی كەسایەتیەكی كەسێكی وەكو جەنابی سەرۆك بارزانی ، بۆیە خۆ ماندی كردن و گوێرایەڵی بوونی ھەندێك ھەرزە و كاڵفامی سیاسی ئەویش بەقسەی كاك كۆسرەت رەسول  نە ھیچ لەبابەتەكە دەگۆڕێت و نە ھیچیش لەكەسایەتی ئەمیر زیاد دەبێت  ، چونكە ھەر ھەمان ئەمیرە كە بە تۆمەتی تیرۆر دەستگیركرابوو و  خاوەنی ئەو  كادرو لایەنگرانەیە كە ئێستا لەكونچی زینداندان بە تۆمەتی تێوەگڵان بەكاری تیرۆرستی  بە پێی بریاری دادگا ، نمونەی ھەرە دیاریان  ئەندام پەرلەمانەكەیانە كە بەداخەوە سەرۆكی لیژنەی مافی مرۆڤە لە پەرلەمانی كوردستان  كە تا ئەم كاتەش چەنجار داوا لێكراوە    بچێتە بەردەم دادگا بۆ ئەوەی بیسەلمێنێت كە بێتاوانە لە دۆسیەی بێ سەرو شوێنبوونی رۆژنامەنووسێك  لەھەولێر بەناوی ( محمد سیاسی) لەبەرئەوە ھەمووجار گوتومە و لێشی بەرپرسیارم جەنابی ئەمیر خۆی و حزبەكەی قوتابخانەی بەرھەمھێنانی  كەسانی لەو شێوەیەن ، بۆیە دەڵێم نە لە ئێستا و نە لە داھاتوو  كەسانی وەك ئەمیر ناگەنە نوكێكی دەستی سەرۆك بارزانی .
سەرۆك بارزانی  چ لە پوستی سەرۆكایەتی ھەرێم بێت یان نە ھەر خاوەنی كەسایەتی خۆیەتی و لەسەر ئاستی نێودەوڵەتی خاوەنی قسەی خۆیەتی، بچوكترین نمونەش مەلا عەلی باپیر و ھاوئاوازەكانی كە لەئێستا بەكاڵفام و ھەرزە ناسراون با بۆخۆیان  بچن لەو كەسە بپرسن كە بوونە پیاوی بەكرێگیراوی  كە حیدر عەبادیە   كە خۆی پێش ماوەیەك گوتی (قسەی ھیچ  سیاسیەك و سەركردەیەكی كورد بۆ ئێمە جێی باوەڕ نیە تەنھا قسەی مسعود بارزانی نەبێت) مەبەستی حیدر عەبادی لەسەر  ھەڵوەشاندنەوەی ئەنجامی گشتپرسی ھەرێم بوو ، كە لەدوایدا جەنابی سەرۆك بەناراستەوخۆ وەڵامی حیدر عەبادی دا كە  گوتی ( ھیچ ھێز و دەسەڵاتێك ناتوانێت ئەنجامی گشتپرسی  ھەڵبوەشێنێتەوە) ئەوجا بەنەمانی جەنابی سەرۆك لە پۆستەكەیدا سەرت سوك بووە یان خۆتان  بۆ بڕێك پارە و بۆ ھەندێك پۆست  سوك دەكەن یان نە ئاساییە لای ئێمە ، چونكە باش دەزانم  ئەگەر خەبات و قوربانیدانی خەڵكی كوردستان ، خوێنی شەھیدان  و زەحمەتی ھێزی پێشمەرگەی كوردستان بەفیرۆش بڕوات  لای تۆ و ھاوئاوازەكانت ئاساییە ، چونكە  خاوەنی ھیچ یەك لەوانە نین بێجگە لە خاوەنبوونی رابردوویەكی  خراپ.





ئەم هەواڵە 8950جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad