 |
|
|||
ZNA- ھەولێر
لەگەڵ پەرەسەندنی زانست رۆژ لە دوای رۆژ ھەندێک لەو کێشانە چارەسەر دەبن کە پێشتر چارەسەرکردنیان ئەستەم بوو , بەتایبەتی بۆ ئەو کەسانەی منداڵیان نەدەبوو . دوێنێ لە ئەمەریکا یەکەم منداڵ لە دایک بوو کەپێشتر دایکی چاندنی رەحمی بۆ کراوە , ئەمەش یەکەم جارە لە ئەمەریکا ئەو کارە ئەنجامبدرێت . لە ئۆکتۆبەری ٢٠١٦ تیمێکی پزیشکی زانکۆ بایلۆر ھەستان بە چاندنی رەحم بۆ چوار ئافرەت کە کێشەی منداڵ بوونیان ھەبوو , بەلام سێ لەم حاڵەتانە سەرکەوتوو نەبوو , بەھۆی ئەوەی خوێن نەدەگەیشتە رەحمەکە , بەڵام یەکێک لە حاڵەتەکان سەرکەوتنی بەدەستھێنا و دوێنێش ئافرەتەکە منداڵێکی بوو . تیمە پزیشکیە ئامادەنەبوون بەھۆی ھەستیاری بابەتەکە ناوی ئافرەتەکە یاخود ھیچ زانیاریەک لەبارەی منداڵەکە بدرکێنن. سەرکەوتنی ئەم نەشتەرگەرییە ھیوایەکی زۆر بەو کەسانە دەبەخشێت کە منداڵیان نابێت , چونکە چاندنەوەی رەحم یەکێکە لەو رێگایانە دەتواندرێت بەھۆیەوە کێشەی منداڵ نەبوونی پێ چارەسەر بکرێت . یاسین ئەحمەد |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad