English | عربی | Kurdî دواهەواڵ
ڕاستەوخۆ  
 
ئەو پەیاما سەرۆکێ فەرەنسا گەھاندیە عەبادی
2017-12-04 [10:37 AM]

نڤیسینا: رەوان نھێلی


داخوازکرنا فەرمی یا نێچیرڤان بارزانی سەرۆک وەزیرێن ھەرێمێ بۆ وەلاتێ فەرەنسا بۆ کوچکا ئەلێزی، پەیامەکا روھن و ئاشکرا بوو بۆ حەیدەر عەبادی سەرۆک وەزیرێن عیراقێ و ھەڤپەیمانێن وی، کو جڤاکێ نێڤدەولەتی کوردان ب تنێ بجە ناھێلیت، ھەروەسا نێچیرڤان بارزانی بۆ ئیران و تورکیا و سعودیێ دیارکر کو کورد دشێن وەکو ئەکتەرەکێ بھێز دەرکەڤن و کارتێکرنێ ل پەیوەندیێن ھێزێ بکەن و ل پال ریاز و تەھران و ئەنقەرە دشێن ئاراستەیا وان روودانان بکەن کو ئەڤ دەولەتە برێڤە دبەن، ئیمانوئێل ماکرۆن  سەرۆکێ فەرەنسا بۆ  حەیدەر عەبادی دیارکر کو ئەو نە سەرکەفتیێ بوویەرێن پشتی ریفراندومێ یە و کورد ژی نە شکەستیێن ڤێ روودانێ نە، بەلکو دڤێت  بەغدا مافێن کوردان یێن دەستووری بدەتێ و ھەڤسەنگی د دابەشکرنا داھاتێ عیراقێ دا ھەبیت و ل ڤان نێزیکان دەست ب دانوستاندنان بکەت کو ب ڤێ چەندێ ژی دێ دوورپێچا سزایان ل سەر ھەرێمێ رابیت ژبەر کو ب سەرەدانا نێچیرڤان بارزانی بۆ فەرەنسا، دوورپێچیا دبلوماسی ل سەر ھەرێمێ ھاتە شکاندن.
ئەڤ پێنگاڤێن کو جارەکادی دی ھەرێم بھێز دەرکەڤیت بۆ سیاسەتا سەرۆک وەزیرێن ھەرێمێ دزڤریت ب تایبەت پشتی روودانێن ١٦ ئوکتوبەرێ، کو ل سەر ئاستێ ناڤخو کار بۆ رێکخستنا ناڤ مالا کوردی بکەت و  ھەر زوی دووپاتی ل وێ یەکێ کری کو دڤێت دەست ل تومەتبارکرنا ئێک بەردەین و ڤیا ھەر زوو ل سەر ئاستێ دەرڤە ژی پەیوەندیێن بھێز یێن ھەرێمێ بەردەوامیێ پێ بدەت، د سەرەدانا نێچیرڤان بارزانی بۆ فەرەنسا، بۆ جڤاکێ نێڤدەولەتی ھێدی ھێدی یێ دیار دبیت کو عەبادی یێ پێشێلا دەستووری عیراقێ دکەت، ئەو دەستوورێ ھەموو پێکھاتێن عیراقێ دەنگ بۆ داین، لەومان ژی سەرۆکێ فەرەنسا د کۆنگرێ رۆژنامەڤانی دا ھەست ب ئازارا کوردان کر و ئاماژە و چار خالێن گرنک بەرچاڤ کرن، ئێک ژ وان بجھئینانا مادێ ١٤٠ یێ دەستووری، یا دوێ دەستپێکرنا دانوستاندنێن ناڤبەرا بەغدا و ھەولێر و دانا مافێن دەستووری یێن ھەموو پێکھاتێن عیراقێ کو مەرەم پێ دانا بەھرا ھەرێمێ ژ بودجەی، یا چارێ ھەلوەشاندنا حەشدی شەعبی و ھەموو میلیشیاتێن عیراقێ کو ئەڤ چەندەژی رەنگە پشتی ب دووماھی ھاتنا داعش، ئەولەویەتا دوێ یا دونالد ترامپ سەرۆکێ ئەمریکا بیت ل عیراقێ کو سەقامگیریا عیراقێ ڤەگەرینیت، نوکە سەر ژ نووی ئەمریکا یێ خوە رێک دێخیت و دخوازیت ھەژموونا ئیرانێ ل عیراقێ کێم بکەت، ئەمریکا دو جورێن بزاڤان یێن ھەین، یا ئێکێ ھەر دەمێ کۆمپانیێن خوە یێن زەبەلاح ھنارتنە جھەکێ، ئەو جە دێ بیتە ناڤەندێن بازار و ئاڤەدانیێ، بزاڤا دوێ ھەر دەمێ چەک و کەرەستێن خوە یێن سەربازی ھنارتنە جھەکێ، چاڤەرێی شەرەکێ ل وی جھی دھێتە کرن، نوکە ئەمریکا یێ ھێزێن خوە یێن سەربازی دھنێریتە  کەرکوک و جھێن دی یێن کوردی یێن ناکوکی ل سەر ھەی، ئانکو چاڤەرێ شەرەکێ دھێتە کرن ل ڤان دەڤەران کو پێدڤیە کورد مفای ژ ڤان ھەڤکێشێن دوەلی وەرگرن، لەومان ژی د ڤان کاودانێن دژوار دا، دووپات دکەین کو ئێک رێزیا ناڤ مالا کوردی یا گرنگە ب تایبەت پشتی پەیدابوونا پشتەڤانیا نێڤدەولەتی ل حکومەتا ھەرێمێ، پشتەڤانیا پارتێن کوردی ژی ل ڤێ حوکمەتێ گرنگییا خوە یا ھەی داکو ب ئێک تیم بەرسینگیا ھەموو وان ئالوزیان بگرین یێن نوکە و ل ئایندەی روی ب روی ھەرێما کوردستانێ دبن.





ئەم هەواڵە 7981جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad