English | عربی | Kurdî دواهەواڵ
ڕاستەوخۆ  
 
ئه‌مه‌ریكا ده‌یه‌وێت بۆ ماوه‌یه‌كی درێژخایه‌ن له‌عێراق بمێنێته‌وه‌
2017-12-20 [11:27 AM]

​ZNA – هه‌ولێر


رۆژنامه‌ی "یو ئێس ئه‌ی توده‌ی" ئاشكرای ده‌كات واشنتن و به‌غدا بۆ مانه‌وه‌ی هێزه‌كانی ئه‌مه‌ریكا له‌ عێراق له‌ گفتوگۆی چڕدان.

رۆژنامه‌كه‌ ئاماژه‌ به‌وه‌ ده‌كات، هه‌ردوو وڵات ويستی خۆیان بۆ ئه‌وه‌ی خستووه‌ته‌ڕوو، له‌ رووداوه‌كانی 2011 دوور بكه‌ونه‌وه‌ ئه‌و كاته‌ی قاعیده‌ له‌ عێراق لاواز بوو و هێزه‌ ئه‌مه‌ریكییه‌كان خاكی عێراقییان جێهێشت دواتریش ئاستی توندوتیژییه‌كان زیاتر بوون و دوای سێ ساڵیش رێكخراوی داعش یه‌ك له‌سه‌ر سێی خاكی عێراقی داگیركرد.

ئه‌و رۆژنامه‌ ئه‌مه‌ریكیه‌، له‌سه‌ر زاری چه‌ند به‌رپرسێكی ئه‌مه‌ریكا، كه‌ ناوه‌كانی ئاشكرا نه‌كردوون، بڵاویكردووه‌ته‌وه‌، هێشتا ئه‌مه‌ریكا و عێراق له‌سه‌ر قه‌باره‌ و ژماره‌ و پێكهاته‌ی ئه‌و هێزه‌ رێكنه‌كه‌وتوون كه‌ ده‌مێننه‌وه‌، به‌تایبه‌تیش له‌گه‌ڵ تێپه‌ڕبوونی كات ره‌نگه‌ گۆڕانكاری به‌سه‌ردا بێت.

به‌ گوێره‌ی لێدوانی ئه‌و دوو به‌رپرسه‌، بڕیاری مانه‌وه‌ی هێزه‌ ئه‌مه‌ریكییه‌كان بۆ كاتێكی درێژخایه‌ن، هێشتا به‌ ته‌واوه‌تی ره‌زامه‌ندی له‌سه‌ر نه‌دراوه‌، چونكه‌ حكوومه‌تی عێراق ژماره‌ و پێكهاته‌ی كۆتایی ئه‌و هێزه‌ دیاری ده‌كات.

ئه‌و سه‌رچاوه‌یه‌ بۆ رۆژنامه‌كه‌ ئاماژه‌ی به‌وه‌شكردووه‌، ژماره‌ی هێزه له‌و 5500 سه‌ربازه‌ ئه‌مه‌ریكییه‌ی ئێستا هه‌ن كه‌متر ده‌بێت‌، كه‌ مه‌شق و راهێنانی سه‌ربازی به‌ هێزه‌ عێراقییه‌كان ده‌كه‌ن.





ئەم هەواڵە 1828جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad