English | عربی | Kurdî دواهەواڵ
ڕاستەوخۆ  
 
نووسینگەى کونسوڵگەرى ژاپۆن لە هەرێمی کوردستان مەڕاسیمى جەژنی لەدایکبوونی ئیمپراتۆری وڵاتەکەى سازکرد
2017-12-21 [11:22 AM]

ZNA-هەولێر


بەبۆنەى جەژنی لەدایکبوونی ئیمپراتۆری وڵاتی ژاپۆن،  نووسینگەى کونسوڵگەرى ژاپۆن لە هەرێمى کوردستان بە ئامادەبوونی ژمارەیەک لە بەرپرسانی حکومەتی هەرێم و پەرلەمانتار و دیپلۆماتکاران، رێوڕەسمێکى لە شارى هەولێر سازکرد.

لە ڕێوڕەسمەکەدا، فۆمیۆ ئیوای، باڵیۆزی وڵاتی ژاپۆن لە عیراق وێڕای بەخێرهێنانی ئامادەبووان، باسی لە گرنگی ئەو بۆنە نیشتمانیە کرد کە بۆیەکەم جارە لە هەرێمی کوردستان یادی دەکرێتەوە. ئەوەش دوای سەردانی وەزیر و جێگری وەزیری دەرەوەی وڵاتی ژاپۆن بۆ هەرێمی کوردستان و کردنەوەی نووسینگەى کونسوڵخانەی ژاپۆن لە هەولێر، ئەویش بەمەبەستی پەرەپێدان بە کەرتە حکومی و ناحکومیەکان هەروەها باشترکردنی پەیوەندییەکان لە نێوان هەردوولا.

 

باڵیۆزی ژاپۆن لە عێراق پیرۆزبایی سەرکەوتنەکانی پێشمەرگەی کرد و هاوکات سوپاسی گەلی کوردستان و حکومەتی هەرێمی کوردستانی کرد بۆ لەخۆگرتنی سەدان هەزار ئاوارە و پەنابەر سەرباری کێشە سیاسی و ئابوورییەکان.

باڵیۆزی ژاپۆن گووتى گەلی کوردستان، هەموو مافێکیان هەیە بۆ ئەوەی سوودمەندبن لەو هاوکارییانەی کە کۆمەڵگەی نێودەوڵەتی بۆ عێراقی دابیندەکات.

 

دوواتر خاتوو سیهام جەبەلى یاریدەدەرى بەرپرسى فەرمانگەى پەیوەندیەکانى دەرەوە ووتارێکى خوێندەوەو گوتی: خاوەنشکۆ، ئیمپراتۆری ژاپۆن لە٢٣ی دیسامبەری تەمەنی دەبێت بە ٨٤ ساڵ و بەم بۆنەشەوە خۆشحاڵین لێرە لەگەڵ ئێوەی ئازیز ساڵیادی لەدایکبوونی خاوەنشکۆ ئاهەنگ دەگێرین.
بەڕێزیان گوتی: لەم ڕۆژە تایبەتەدا، بەناوی فەرمانگەی پەیوەندییەکانی دەرەوەی حکومەتی هەرێمی کوردستان پیرۆزبایی خۆمان ئاراستەی خاوەنشکۆ و گەل و حکومەتی ژاپۆن دەکەین.

خاتوو سیهام جەبەلى گووتى ئەو هاوکارییە مرۆییانەی کە لەلایەن ژاپۆنەوە بۆمان دابینکراون سەڕەڕای پاڵپشتیە سەربازیی، مرۆیی و هاوبەشە نێودەوڵەتیەکان لە هاوپەیمانێتی بە سەرپەرشتى نەتەوە یەکگرتووەکان، ڕێگاخۆشکەر بوون بۆ ئەوەی ئەمڕۆ بە سەلامەتی و سەقامگیری لێرە دوور لە هەڕەشەی تیرۆرستان ئەم یادە بکەینەوە.

سەبارەت بە پەیوەندیە دووقۆڵیەکان بەڕێزیان گووتى ئێمە خۆشحاڵین بە ئاستى پەیوەندییەکانمان لەگەڵ وڵاتى ژاپۆن ژاپۆن و کاردەکەین بۆ بەرەوپێشچوونی زیاتری پەیوەندییەکانمان.





ئەم هەواڵە 2347جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad