English | عربی | Kurdî دواهەواڵ
ڕاستەوخۆ  
 
ئەمرۆ ئەنجوومەنی وەزیران لەسەر سێ تەوەر کۆبوونەوە
2017-12-21 [12:40 PM]

ZNA- ھەولێر


 ئەمڕۆ (پێنجشەممە 21-12-2017) ئەنجوومەنی وەزیرانی هەرێمی کوردستان کۆببێتەوە. لە ئەجێندای کۆبوونەوەکەشدا سێ تەوەری سەرەکی دەستنیشانکراون. 

تەوەری یەکەمی کۆبوونەوەی ئەنجوومەنی وەزیرانی کوردستان تایبەتە بە راپۆرتێکی کۆمپانیای دیلۆت لەبارەی وردبینی و هەڵسەنگاندنی فرۆشتنی نەوت، داهات و هەناردەکردنی لە سێ مانگی یەکەمی ساڵی 2017ـدا. 

کۆمپانیای دیلۆیت یەکێکە لەو کۆمپانیایانەی حکومەتی هەرێمی کوردستان گرێبەستی لەگەڵ کردووە، بۆ ئەوەی وردبینی پرۆسەی دەرهێنان و هەناردەکردن و فرۆشتنی نەوت بکات.لەو بارەوە ئەمڕۆ راپۆرتێک دەدرێتە ئەنجوومەنی وەزیران و لە کۆبوونەوەکەدا دەخوێندرێتەوە. 

تەوەری دووەمی کۆبوونەوەکە تایبەتە بەو رێککەوتنەی نێوان حکومەت و پەرلەمان، کاتێک چەند رۆژێک بەر لە ئێستا شاندێکی سەرۆکایەتی حکومەت سەردانی پەرلەمانی کرد، رێککەوتن لەسەر پڕۆژەیاسایەک کە ئەنجوومەنی وەزیران ئامادەی لەبارەی مووچە و دەرماڵە و ئیمتیازاتەکانی خانەنشینی پلەباڵاکان بکات، کە بۆ چاکسازییە لە مووچەی خانەنشینی ئەو ئەندام سەرکردایەتی و مەکتەبی سیاسیانەی حیزبەکان، کە بە نایاسایی بە پلەکانی وەزیر، بریکاری وەزیر و بەڕێوەبەری گشتی خانەنشینکراون، لەوبارەیەوە ئەمڕۆ ئەنجوومەنی وەزیران پڕۆژەیاسایەکە پەسنددەکات و دەینێرێتە پەرلەمان. 

تەوەری سێیەمی کۆبوونەوەکەی ئەنجوومەنی وەزیرانی کوردستان، تایبەتە بە پرسی چاکسازی، کە لە ماوەی دوو ساڵی رابردوو هەندێک چاکسازی کراوە، بە تایبەت لێسەندنەوەی ئۆتۆمبێل لەو فەرمانبەرانەی شایستە نەبوون، کە ئە وکات بەپێی بەدواداچوونێک نزیکەی 26 هەزار ئۆتۆمبێلی حکومەتی هەرێمی کوردستان لای فەرمانبەرانە. هەر ئەو کاتە ژمارەیەکی زۆریان وەرگیرانەوە، ژمارەیەک فەرمانگەش بچووککرانەوە و کەمکرانەوە، ئەمڕۆش راپۆرتێک لەو بارەوە دەخرێتەڕوو بۆ فرۆشتنەوەی ئەو ئۆتۆمبێلانە و گەڕانەوەی داهاتەکەی بۆ حکومەت. 





ئەم هەواڵە 952جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad