English | عربی | Kurdî دواهەواڵ
ڕاستەوخۆ  
 
ئاسایش له‌سه‌ر وێنه‌ی كوژراوێك به‌یاننامه‌یكی بڵاوكرده‌ووه‌
2017-12-23 [11:44 AM]

ZNA-هەولێر


بەڕێوەبەرایەتی ئاسایشی راپەرین لە رانییە، لەبارەی وێنەی کوژراوێک کە لە تۆڕە کۆمەڵایەتییەکان بڵاوکراوەتەوەو چالاکوانان ئاماژەیان بەوەکردووە کە وێنەی یەکێک لە قوربانییەکانی خۆپیشاندانەکانی رانیەیە، لەوباریەوە روونکردنەوەیەکیان بڵاوکردووەتەوەو رەتیانکردووەتەوە ئەو وێنەیە پەیوەندی بە رانیەوە ھەبێت.

محەمەد فازڵ، بەرپرسی بەشی راگەیاندنی ئاسایشی ناوچەی راپەڕین لە بەیاننامەیکدا روونکردنەوەی لەسەر وێنەکە داوەو دەڵێت: "بەداخەوە لە ماوەی دوو رۆژی رابردوودا وێنەیەک لە تۆڕە کۆمەڵایەتییەکان بڵاوکراوەتەوەو باسی ئەوە کراوە گوایە ئەوە وێنەی نوێترین قوربانی توندوتیژییەکانی خۆپیشاندانەکانی رانیەیە".

ئەو بەرپرسە دەڵێت: "لە راستیدا ئەو وێنەیە گەنجێکە کە لە تەقینەوەکانی رۆژی ٣١/١٢/٢٠١٦ـی شاری بەغدا بووەتە قوربانی و ھیچ پەیوەندییەکی بە رانیە و خۆپیشانانەکانەوە نییە".

ماوەی چەند رۆژێکە دەڤەری راپەڕین بە رەوشێکی ئاڵۆزی ئەمنیدا تێدەپەرێت و بەھۆی درووستبوونی توندووتیژی لە خۆپیشاندانەکان و سووتاندنی بارەگا حزبی و حکومییەکان و تەقەکردن ژمارەیەک کەس کوژران و بریندار بوون، بەڵام وەک ئاسایشی رانیە دەڵێت، ئەو وێنەیە پەیوەندی بە ناوچەکەیانەوە نییە.


رێباز یونس 





ئەم هەواڵە 3535جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad