English | عربی | Kurdî دواهەواڵ
ڕاستەوخۆ  
 
به‌رپرسێك: پیلانی بەعەرەبکردنی کەرکووک ھەیە
2017-12-23 [06:02 AM]

ZNA - هه‌ولێر


بەرپرسی لقی سێی پارتی لە کەرکووک ئاشكرای كرد، پارێزگاری بەوەکالەتی کەرکووک بڕیاری داوه‌ به‌ ده‌ركردنی خێزانەکانی نیشتەجێبووی نێو شوققەکانی ھەردوو گەڕەکی سەیادە و پەنجاعەلی، وتیشی، پیلانی بەعەرەبکردنی کەرکووک ھەیە و کورد لەو شارە دەردەکرێ.

محەمەد خورشید، بەرپرسی لقی سێی پارتی لە کەرکووک رایگەیاند، ساڵانی ڕابردوو ژمارەیەک یەکەی نیشتەجێبوون لە ھەردوو گەڕەکی پەنجاعەلی و سەیادەی شاری کەرکووک دروست کراون و ئەو سەردەمە بە بڕیاری پارێزگاری کەرکووک بەسەر خانەوادەی شەھیدان و بەشێک لە پێشمەرگەکانی سەر بە یەکەی ٧٠دا دابەش کرابوون و تێدا نیشتەجێ ببوون، بەڵام ئێستا ئەو خێزانە کوردانە دەردەکرێن و کەسێکیش نییە بەرگرییان لێ بکات.

محه‌ممه‌د خورشید روونی کردەوە، ئەم بڕیارە بەر لە مانگێگ لە لایەن پارێزگاری بەوەکالەتی کەرکووک دەرکراوە و حەفتەی ڕابردوو خێزانەکانی نیشتەجێبووی نێو شوققەکانی ھەردوو گەڕەکی سەیادە و پەنجاعەلی ئاگادار کراونەتەوە بۆ دەرکردن.

روونی كرده‌وه‌، بە پێی زانیارییه‌كان، پیلانی بەعەرەبکردنی کەرکووک ھەیە و کورد لەو شارە دەردەکرێ، ئەم پیلانە لە ئەجێندای سەرەکیی دەسەڵاتدارانی ئێستای کەرکووکە، لەبەر ئەوەش گومانمان ھەیە ئەو گەڕەکە نوێیانەی لە ساڵانی ڕابردوو دروست کراون تێک بدرێن و خەڵکەکەیشی دەربکرێن.

kdp.info





ئەم هەواڵە 1342جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad