English | عربی | Kurdî دواهەواڵ
ڕاستەوخۆ  
 
یەکگرتوو بڕیاریدا: بە مەرج لە حکومەتی هەرێمی کوردستان دەمێنێتەوە
2017-12-24 [11:35 AM]

ZNA- هه‌ولێر


یەکگرتووی ئیسلامی کوردستان، لە کۆنگرەیەکی رۆژنامەوانیدا، دوا ھەڵوێستی خۆی لەسەر مانەوەی حزبەکە لە حکوومەت راگەیاند و ئاشکرای کرد، تا ١٥-١-٢٠١٨ لە حکوومەت دەمێننەوە و ئەو ماوەیەش مۆڵەت دەدەنە حکوومەت بژێوی خەڵک چاکبکات.

ھادی عەلی، بەرپرسی ئەنجوومەنی سیاسی و جەماوەری یەکگرتووی ئیسلامیی کوردستان، لە کۆنگرە رۆژنامەوانییەکەدا، لە چەند خاڵێکدا ھەڵوێستی حزبەکەی لە بارەی بارودۆخی ئێستا کوردستان خستەڕوو.

ھادی عەلی ناوەڕۆکی کۆبوونەوەکانی دوو رۆژی رابردووی حزبەکەی خستەڕوو و رایگەیاند، داوا دەکەن لێژنەیەک بۆ لێکۆڵینەوە لە رووداوەکانی چەند رابردووی کوردستان پێکبھێنرێت و کاری جددی بۆ ئازادکردنی دەستگیرکراوان و ئاشکراکردنی ئەو دەستانە بکەن، کە بوونەتە ھۆی بەلاڕێدابردنی خۆپیشاندان.

ھەروەھا داواش لە حکوومەت دەکەن، بە خێرایی وەڵامی داواکانی خۆپیشاندەران بداتەوە و حاڵەتی بە سەربازگەکردنی شارەکانیش کۆتایی پێبھێنێت.

لە کۆنگرە رۆژنامەوانییەکەدا، ھادی عەلی راشیگەیاند، یەکگرتوو ھەڵوێستی خۆی لە باشترکردنی گوزەرانی خەڵک و مووچەخۆراندا وەردەگرێت و بۆ ئەو مەبەستەش تا١٥-١-٢٠١٨ لە حکوومەتدا دەمێننەوە.

بە گوتەی ھادی عەلی، لەو ماوەیەدا، شاندی یەکگرتوو سەردانی لایەنە پەیوەندیدارەکان دەکات و ئەگەر لەو ماوەیەدا، حکوومەت کێشەی دابەشکردنی مووچە لە کاتی خۆیدا چارەسەر نەکات، ئەوکات دوا ھەڵوێستی خۆیان وەردەگرن.





ئەم هەواڵە 1789جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad