English | عربی | Kurdî دواهەواڵ
ڕاستەوخۆ  
 
نوێنەری مەسحیەکان لەوەزارەتی ئەوقاف: لە سەرتاسەری کوردستان مەراسیمی جەژنی لەدایکبوونی مەسیح بەرێوە دەچێت
2017-12-24 [12:11 PM]

ZNA-هەولێر


بەرێوبەری گشتی کاروباری مەسیحەکان لە وەزارەتی ئەوقاف و کاروباری ئاینی راگەیاند، لە جەژنی لەدایکبوونی حەزرەتی مەسیح، وەک نەریتێک لە کەنسەی مار یوسف لە عەنکاوە کە جەنابی مەتران سەرپەرەشتی دەکات، کاتژمێر ١٠ی شەو بە ئامادەبوونی میوانەکان و بەرپرسەکان و کونسولەکان لەوێ بەرێوە دەچێت.

خالید جەمال ئەلبیر، بەرێوبەری گشتی کاروباری مەسیحەکان لە وەزارەتی ئەوقاف و کاروباری ئاینی، بە ئاژانسی ھەواڵی زاگروسی راگەیاند: ئەمرۆ لە یادی لەدایکبوونی حەزرەتی مەسیح درودی خودای لە سەربێت مەراسیمی نوێژ کردن لە ھەموو کەنیسەکان بەرێوەدەچێت بەبێ جیاوازی، لە دوای کاتژمێر ٦ ئێوارە دەست پێ دەکات، لە جەژنی لەدایکبوونی حەزرەتی مەسیح، وەک نەریتێک لە کەنسەی مار یوسف لە عەنکاوە کە جەنابی مەتران سەرپەرەشتی دەکات، کاتژمێر ١٠ی شەو بە ئامادەبوونی میوانەکان و بەرپرسەکان و کونسولەکان لەوێ بەرێوەدەچێت، تا کاتژمێر ١٢ شەو بەردەوام دەبێت، وە لە ھەموو کەنیسەکانی تریش ئەم مەراسیمە ئەنجام دەدرێت، بۆ بەیانی ٢٥-١٢-٢٠١٧ پێشوازی لەمیوانەکان دەکرێت لە کاتژمێر ٣ی ئێوارە بۆ کاتژمێر ٦ی ئێوارە، ھەروەھا دوای کاتژمێر ٦ی ئێوارە لە بابیلۆن کەرنەڤالی سەری ساڵ دەست پێ دەکات بە ئامادەبوونی پارێزگای ھەولێر و وەزیرەکان و مەترانەکان، ھەموویان بەیەکەوە ئەم مەراسیمە دەکەنەوە و تا کۆتایی سەری ساڵ بەردەوام دەبێت.

خالید جەمال گووتی: جیاوازی  ئەم جەژنە لەگەل جەژنەکانیتر ئەوەیە کەوا ئاوارە مەسیحەکان بەشێکی زۆر گەراونەتەوە بۆ شوێنەکانی خۆیان لە دەشتی نەینەوا و موسل، بەلام ھەندێکیشیان لێرە ماونەتەوە بە ھۆی ئەوەی کە مالەکانیان بە تەواوی رووخاون و وێران بوون ناتوانن بگەرێنەوە لە ئێستادا، ئەم جەژنەش یەکەم جەژنە دەکرێت لە موسل، جەنابی پاتیریاکۆ و مەترانەکانی موسل و دەشتی نەینەوا  ئەمرۆ لەوێ جەژن دەکەن.

بەرێوبەری کاروباری مەسیحەکان گووتی: ئەمرۆ جەژنی لە دایکبوونی حەزرەتی مەسیحە، بەم بۆنەیەشەوە لە ھەرێمی کوردستان رۆژی یەکشەممە و دووشەممە کراوەتە پشووی فەرمی ئەمەش بەتایبەتمەندی تەنھا لە ھەرێمی کوردستان ھەیە، لە رۆژھەلاتی ناوراست و عێراق تا ئێستا بە بریارێکی فەرمی رۆژی لە دایکبوونی حەزرەتی مەسیح نەکراونەتە پشوو.


رێباز یونس





ئەم هەواڵە 904جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad