 |
|
|||
ZNA – ھەولێر سەرۆکی رێکخراوی پایەدار رایگه‌یاند: لە سەڕدەمی رژێمی بەعس ھەول دەدرا شاری كه‌ركوك بەعرەب بکرێت زور پێشێلكارییان كرا به‌رامبه‌ری كورده‌كانی ئه‌و شاره، لە دوای روخانی رژێمی بەعس کورد جارێكیتر گەرایەوە كه‌ركوك بەلام لە دوای 16 ئۆکتۆبەر دووبارە ھەولێک ھەیە بۆ بە عه‌رەب کردنی ئەم شارە ئه‌مه‌ش مەترسی دروست دەکات لەسەر ھاولاتیان کورد لە شاره‌كه.سلام شێخ مەموندی چالاکوانی مەدەنی و سەرۆکی رێکخراوی پایەدار به ئاژانسی هه‌واڵی زاگرۆسی راگه‌یاند: ئێستا رۆژانە حکومەتی عێراق عه‌رەبی شیعەی خوارو ناوەراست دەگوازێتەوە بۆ شاری كه‌ركوك تەنانەت خانوو مولک ده‌خرێنه سه‌ر ناوی عه‌رەب بۆ ئه‌وه‌ی رێژەیان زیاتر بێت لەو شاره و دەوروبەری.سلام دیاریكرد: حکومەتی عیراق ئامادەنیە ماددەی 140 جێبەجێ بکات چونکە ئەم مادەیە کۆتایی ھاتووە لەلایەن حکومەتی عیراق ئێستا کەرکوک داگیر کراوە لە لایەن ھێزەکی شیعی ئەگەر ئەم ماددەیه جێبەجێ بکەن ئەوە بێگومان کورد بالا دەست دەبێت لە شاری کەرکوک، چەندین سالە ئەم ماددە دەستوریە ھەیە بەلام عیراق ئامادەنیە جێبەجێ بکات و چەندین حکومەتی تر بگۆردرێت ئەم ماددەیە جێبەجێ ناکرێت ئەوە دەبینین رۆژانە حکومەتی ھەرێم داوا دەکات مافەکانی کورد ئەوەی لە دەستوور ھاتووە بۆیی جێبەجێ بکەن بەلام حکومەتی عێراق ئاماده‌نیە ھیج ماددەک جێبەجێ بکات بە مادەی 140 ی شەوە.ئه‌و چالاکوانه مەدەنییه و سەرۆکی رێکخراوی پایەدار ئاشكراشیكرد: حکومەتی عێراق ئامادەنیە ھیج عه‌رەبێک بگەرێنێتەوە بۆ شوێنی خۆیان چونکە لە بەرژەوەندی ئه‌واندا نیە تەنانەت وەک باسم کرد زیاتر ھەوڵ دەدات عه‌رەبی تر ھاوردەی ئەم شارە بکات بۆ ئەوەی پێگەی کورد لە شارەكه‌دا زۆر لاوازبێت.له كوتاییدا ئه‌وه‌شی خسته‌روو: دەبێت حکومەتی ھەرێم له ئێستادا له دەرفەت بگه‌رێت تاکوو بتوانێت بگه‌رێتەوە پێش 16 ئۆکتۆبەر.احمد غفور ئەم هەواڵە 2821جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad