English | عربی | Kurdî دواهەواڵ
ڕاستەوخۆ  
 
عێراق بڕیارێکی دیکەی دژی هەرێم دەرکرد
2017-12-24 [08:15 AM]

ZNA-ھەولێر


بەڕێوبەری گشتیی وەزارەتی بازرگانی حکوومەتی ھەرێمی کوردستان راگەیاند، حکوومەتی عێراق بڕیارێکی دیکەی دژی ھەرێمی کوردستان دەرکردووە، ئەویش لابردنی زمانی کوردییە لەسەر پسوولەی خۆراک و "ئێمە ئەو پسوولانەمان رەت کردووەتەوە ".

 

عەبدولرەزاق عوسمان ناوەندی، بەڕێوبەری گشتیی وەزارەتی بازرگانی حکوومەتی ھەرێمی کوردستان بە ئاژانسی ھەواڵی زاگروسی راگەیاند: ساڵان بەشێوەیەکی گشتی پسوولەی خۆراک زمانی کوردی و عەرەبی لەسەر ھەبووە، کەچی ھەفتەی رابردوو پسوولەی نوێی خۆراکیان بۆ ئێمە رەوانە کردووە تەنھا زمانی عەرەبی لەسەر بووە و زمانی کوردی لابراوە، بۆیە ئێمەش ڕەتمان کردەوە وەریگرین و وەریشمان نەگرت.

 

بەڕێوبەری گشتیی وەزارەتی بازرگانی حکوومەتی ھەرێمی کوردستان گووتی: ئەوانمان ئاگادار کردووەتەوە کە ئێمە بەو جۆرە وەریناگرین و ئەوانیش باسیان لەوەکردووە بەھۆی ھەڵەی چاپەوە زمانی کوردی لابراوە و ئێمەش پێمان گوتوون ئەمە بەھۆی پرسی سیاسییەوەیە نەک ھەڵەی چاپ بێ، بۆیە ئامادە نین ئەو پسوولانە وەرگرین و ئەوانیش تائێستا بێدەنگ و ھیچ وەڵامێکیان بە ئێمە نەداوەتەوە.

 

 

رێباز یونس





ئەم هەواڵە 4696جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad