English | عربی | Kurdî دواهەواڵ
ڕاستەوخۆ  
 
بەم زووانە رێگەی ھەولێر – کەرکوک دەکرێتەوە 
2017-12-26 [04:29 AM]

ZNA – ھەولێر 


 
بەڕێوەبەری ئاسایشی ھەولێر لەبارەی کردنەوەی رێگای ھەولێر - کەرکووک روونکردنەوە دەدات و دەڵێت ھیچ کێشەیەکیان لەگەڵ کردنەوەی رێگاکەدا نییە، ھیواش دەخوازێت لە سەرەتای ساڵی نوێدا بکرێتەوە.

تاریق نووری، بەڕێوەبەری ئاسایشی ھەولێر  رایگەیاند: "ئێمە وەک لایەنی ئەمنی پارێزگای ھەولێر ھیچ گرفتێکمان لەگەڵ کردنەوەی رێگای ھەولێر - کەرکووک نییە، ئەوەندەی بزانین بەھۆی شەڕەوە ئەو رێگایە بەتایبەت لە نزیک شارۆچکەی پردێ تێکچووە، ئومێد دەکەین بەزوویی چاکبکرێتەوە و بەڕووی ھاتووچۆی خەڵکیدا بکرێتەوە".

بەڕێوەبەری ئاسایشی ھەولێر ھیوای خواست لە ساڵی نوێدا رێگاکە بکرێتەوە و چیدی ئاستەنگی ھاتووچۆ بۆ خەڵک دروست نەکرێت. بەمپێیە ئێستا کردنەوەی رێگاکە لەسەر بڕیاری ئیدارەی کەرکووک و حکومەتی عێراق وەستاوە، ناشزانرێت عێراق کەی ئەو بڕیارە دەردەکات.

بەھۆی ھێرشی حەشدی شەعبی و ھێزە عێراقییەکان بۆ سەر کەرکووک و دەوروبەری لە ١٦ ی ئۆکتۆبەر و رۆژانی دواییدا، رێگاکانی کەرکووک، مەخموور، موسڵ، شنگال و بەشێک لە ناوچە کوردستانییەکانی دیکەی دەرەوەی ئیدارەی ھەرێمی کوردستان بۆ شارەکانی ھەرێمی کوردستان داخران.

نێچیرڤان بارزانی، سەرۆکوەزیرانی ھەرێمی کوردستان رۆژی ٥-١٢-٢٠١٧ لە کۆنگرەیەکی رۆژنامەڤانیدا لەبارەی داخستنی رێگاکان رایگەیاند: "تاوەکو ئێستا داخستنیان بابەتێکی ئەمنی بوو، ئێستا دەتوانین بیر لە کردنەوەیان بکەینەوە و بەدڵنیاییەوە ئەو رێگایانە دەکرێنەوە، چ لەگەڵ مەخموور، چ لەگەڵ موسڵ و چ لەگەڵ کەرکووک، پێداچوونەوە بۆ بڕیارەکە دەکەین".

چەند رۆژێک دواتر وەزارەتی پێشمەرگە لەسەر داوای کۆمەڵێک کەسایەتی کوردی ئێزدی بڕیاری کردنەوەی رێگای شنگال - دھۆکی دەرکرد، بەڵام سوپای عێراق ئامادەنییە رێگاکە بکاتەوە و دەڵێن لە دەسەڵاتی ئەواندا نییە.

بەھۆی داخرانی رێگای ھەولێر - کەرکووک ھاونیشتمانیان ناچارن پەنا بۆ رێگا لاوەکییەکان ببەن، یەکێک لەو رێگایانەش لە کەرکووکەوە بۆ تەقتەق دەڕوا و ئێستا فشارێکی زۆری لەسەر دروستبووە، سەرەڕای ئەوەی رێگاکە زۆر درێژدەکاتەوە کاتی زۆرتری دەوێت.

سەرچاوە / رووداو 
 





ئەم هەواڵە 5725جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad