English | عربی | Kurdî دواهەواڵ
ڕاستەوخۆ  
 
رادیۆی ده‌نگی ئه‌مه‌ریكا: داعش گه‌ڕایه‌وه‌ كه‌ركووك
2017-12-27 [09:35 AM]

ZNA- هه‌ولێر


بەگوێرەی رادیۆی دەنگی ئەمەریکا، "دانیشتوانی قەزای حەویجەی رۆژئاوای کەرکوک، کۆچی پێچەوانەیان دەستپێکردووە و دوای رزگاربونیان لەژیانی ئاوارەیی و گەرانەوەیان بۆ حەویجە، ئێستا جارێکی دیکە بەرەو کەرکووک دەگەرێنەوە".

ھەر لەم راپۆرتەی دەنگی ئەمەریکادا کە لە بەرپرسانی کەرکووک گواستیەوە، "داعش گەراوەتەوە ناوچەکە و بەشەوان کۆنترۆڵی چەندین ناوچەکە دەکەن".

لەمبارەشەوە، نازم کەھیە رێکخەری پێشوی پەیوەندیەکانی نێوان پێشمەرگە ‌و حەشدی شەعبی لەکەرکووک کەئێستا لەناحیەی تازەی باشوری کەرکووکە، بەدەنگی ئەمەریکای راگەیاندووە "زۆربەی ناوچەکانی دەوروبەری حەویجە و زاب و ریاز شەوان لەژێر کۆنترۆڵی داعشدان و شەوانە داعش مەفرەزەی چەکدار بەناوچەکەدا بڵاو دەکاتەوە و خەڵک دەکوژن و دەرفێنن".

رادیۆکە ئاماژە بەوەش دەکات، چەکدارانی داعش بە شێوەی گروپ بە ناوچەکانی دەوروبەری حەویجەدا بڵاوبونەتەوە و بەشەوان جموجۆڵیان زۆرە، بەشێوەیەک تەنھا لەماوەی چەند شەوی رابردوودا سەرۆک عەشیرەتی جحێش و فەرماندەیەکی پۆلیس و چەندین کەسی دیکەیان کوشتووە.

ئیسماعیل حەدیدی سەرۆکی ئەنجومەنی سیاسی عەرەبی لەکەرکووک، بەدەنگی ئەمەریکای راگەیاند "خەڵکی حەویجە دەترسن، بۆیە ئێستا جارێکی دیکە حەویجە بەرەو کەرکووک جێ دەھێڵنەوە".

سەبارەت بەھۆکاری نەبوونی ھێزە عێراقیەکان لەدەوروبەری حەویجە ‌و گەرانەوەی داعشیش بۆ ناوچەکە، حەدیدی جەختی کردەوە "ھێزە عێراقیەکان حەویجە و دەوروبەریان کۆنترۆڵکردووە، بەڵام لەداعش پاکیان نەکردووەتەوە".

ھەروەھا گوتی "بریارە دوو فیرقەی سەربازی عێراقی رەوانەی سنوری حەویجە بکرێن، بەمەبەستی پاککردنەوەی ناوچەکە لەداعش".

قەزای حەویجە و ناحیەکانی دەوروبەری لەدوای رووخانی رژێمی بەعسەوە بونەتە پێگەی گروپە چەکدارە سونەکان، زۆربەی چەکدارەکانیش دانیشتوی ئەو ناوچانەن و پێشتر لایەنگیری رژێمی بەعس بوون.

ئەمەش لەکاتێکدایە، بەر لە ماوەیەک حەیدەر عەبادی فەرماندەی کشتی ھێزە چەکدارەکانی عێراق، پاککردنەوەی سەرانسەری خاکی عێراقی لە چەکدارانی رێکخراوی داعش راگەیاندبوو.





ئەم هەواڵە 10108جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad