English | عربی | Kurdî دواهەواڵ
ڕاستەوخۆ  
 
نوێنەرێکی کورد له پەرلەمانی ئێران: دوای بوومەلەرزەکەی کرماشان لانی‌کەم ٢٠کەس خۆیان کوشتووه
2017-12-27 [04:41 AM]

ZNA- هەولێر


 

پەرلەمانتارێکی کورد له پەرلەمانی ئێران رەخنه له بەهانانەچوونی لێقەوماوانی بوومەلەرزەکەی کرماشان دەگرێت و دەڵێت، خەڵکی گوندەکان له هەلومەرجێکی دژوار دان و بەڵێنی بەرپرسانیش جێ‌بەجێ نەکراوه.

 

"شەهاب نادری" نوێنەری شارەکانی پاوه، جوانڕۆ، سەلاسی باوەجانی و روانسەری رۆژهەڵاتی کوردستان له پەرلەمانی ئێران رایگەیاند: لانی‌کەم ٢٠کەس دوای بوومەلەرزەکەی کرماشان خۆی کوشتووه و ئەم ئامارەش رۆژ به رۆژ زیاد دەبێت.

 

له وڵامی ئەم نوێنەره کورده، "ئارتین کەمالی" بەڕێوەبەری گشتیی پزیشکی دادی پارێزگای کرماشان ئەمەی رەت کردۆتەوه و گوتوویەتی: "ئەگەر مەبەستی ئەم پەرلەمانتاره تەنیا هەوڵی خۆکوشتن بێت، ئەوه دەبێت زانکۆی پزیشکیی پارێزگا رای خۆی لەمبارەیەوه دەرببڕێت، بەڵام ئەگەر مەبەستی ئەوەیه که ئەو کەسانه خۆیان کوشتووه، ئەوه رەتی دەکەمەوه."

 

نادری هەروەها گوتبووی، تاکو ئێستا ٤کەسیش بەهۆی سەرماوه گیانیان لەدەست داوه. راشیگەیاند، خەڵک هەروا چاوەڕوانی جێ‌بەجێ بوونی بەڵێنی بەرپرسانن. دوای بوومەلەرزەکه له ناوچەی بوومەلەرزه لێدراوەکان تاکو ئێستا ٣٠منداڵ لەدایک بوونه که بارودۆخێکی خراپیان هەیه.

 

شەهاب نادری دەڵێت، کەمترین چاوەڕوانه، نیشتەجێ‌کردنی کاتیی لێقەوماوانه، کام ویژدان قبووڵ دەکات، منداڵانه سەرەتایی له ژێر خێوەت دەرس بخوێنن.





ئەم هەواڵە 1210جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad