English | عربی | Kurdî دواهەواڵ
ڕاستەوخۆ  
 
ئەمرۆ ئەنجوومەنی وەزیران کۆدەبێتەوە
2017-12-28 [10:57 AM]

ZNA-ھەولێر




ئەمڕۆ ئەنجوومەنی وەزیرانی هەرێمی کوردستان کۆدەبێتەوە ، بڕیارە لە کۆبوونەوەکە راپۆرتێکی وەزارەتی ناوخۆ و راپۆرتێکی وەزارەتی شارەوانی و گەشتوگوزار بخرێنەڕوو و گفتوگۆیان لەبارەوە بکرێت.

بڕیاروابوو ئەمڕۆ ئەنجوومەنی وەزیران لەسەر راپۆرتێکی کۆمپانیای دیلۆیت کۆببێتەوە ، کە حکومەتی هەرێمی کوردستان لەگەڵ ئەو کۆمپانیایە گرێبەستێکی بۆ پرۆسەی وردبینیکردنی نەوت لە هەرێمی کوردستان کردووە ، بۆ ئەو مەبەستەش راپۆرتی 3 مانگی یەکەمی ساڵی 2017ی ئامادەکردووە ، بەڵام کۆمپانیای دیلۆیت پێشنیازی ئەوەیکردبوو بۆ ئەوەی راپۆرتی خۆی بۆ تەواوی ساڵی2017 ئامادە بکات لە کۆبوونەوەی ئەمڕۆی ئەنجوومەنی وەزیران ئەم بڕگەیە دوا بخرێت بۆ کۆبوونەوەیەکی دیکە".

بەو هۆکارە ئەمڕۆ ئەم بڕگەیە لە کۆبوونەوەی ئەنجوومەنی وەزیران لابراوە، ئەنجوومەنی وەزیران لەسەر دوو بڕگەی دیکە کۆدەبێتەوە ، یەکێکیان خستنەڕووی راپۆرتێکی کەریم شنگالی، وەزیری ناوخۆی حکومەتی هەرێمی کوردستان دەبێت لەبارەی ئەو ئۆتۆمبێلە زیادانەی حکومەتی هەرێمی کوردستان لە ماوەی دوو ساڵی رابردوو لە بڕیارەکانی چاکسازی لە بچووکردنەوەی فەرمانگەکانی حکومەت زیاد بوون و وەرگیراونەتەوە، رێوشێنێک بۆ چارەنووسی ئەو ئۆتۆمبێلانە دادەنرێت".

 تەوەرێکی دیکەی کۆبوونەوەکە لەبارەی زەوییەکانی شارەوانی و موڵکەکانی وەزارەتی شارەوانییەوەیە، بەو پێیەی وەزارەتی شارەوانی خاوەنی موڵکێکی زۆرە، راپۆرتێکی تێر و تەسەل لەلایەن وەزیری شارەوانی و گەشتوگوزارەوە دەدرێتە ئەنجوومەنی وەزیران لەبارەی ژمارە و چەند و چۆنیەتی موڵکەکانی شارەوانی و چۆنیەتی مامەڵکردن لەگەڵیان.





ئەم هەواڵە 202جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad