English | عربی | Kurdî دواهەواڵ
ڕاستەوخۆ  
 
نوێنه‌رێكی كورد: له‌هه‌وڵ داین جارێكی دیكه‌ كاری ته‌عریبكردن سه‌ركه‌وتوو نه‌بێت
2017-12-28 [05:55 AM]

ZNA - هه‌ولێر


سه‌رۆكی لیژنه‌ی هه‌رێم و پارێزگاكان له‌ په‌رله‌مانی عێراق ده‌ڵێت، ئەو عەرەبانە گەڕاونەتەوە بۆ ناوچەکانی سنوری كه‌ركوك، کێشەکانی نێوان ھەرێم و بەغدایان بۆ خۆیان قۆستووەتەوە و ئەو مڵکانە بە ھی خۆیان دادەنێن، سەرەڕای ئەوەی ٢٠ تا ٢٥ ملیۆن دیناریان وەرگرتووە، وتیشی، ھەندێک ئامادەکاریمان کردووە و لە ڕۆژانی داھاتوودا دەست بە کاری خۆمان دەکەین بۆ ئەوەی ڕێگرییان لێ بکەین و ڕێگە نادەین ئەو کارە سەرکەوتوو بێت.

سۆران ئیسماعیل، سەرۆکی لیژنەی ھەرێم و پارێزگاکان لە پەرلەمانی عێراق رايگەیاند، ئێمە وەکو لیژنەی خۆمان و پەرلەمانتارە کوردەکان بە دوای ڕێگای یاساییدا دەگەڕێین بۆ ئەوەی ڕێگه‌ لە تەعریبکردن بگرین، چونکە ئەو عەرەبانە کێشە سیاسیەکانیان بۆ خۆیان قۆستووەتەوە و ئەو ناوچانەش کێشە لەسەرن، بۆیە دەمانەوێت لە ڕێگەی یاساییەوە ڕێگرییان لێ بکەین و لە ڕێگەی سیاسییەوە کێشەکان بە کاتی چارەسەر دەبن.

سۆران ئیسماعیل وتیشی، لە ساڵی ١٩٧٥ەوە لە سنووری کەرکووک خەڵکی عەرەب ھاوردەی ئەو ناوچانە کراوە كه‌ موڵكی كورد بوونه‌ و دواتریش قەرەبوو کراونەتەوە، ئێستا جارێکی دیکە ئەو عەرەبانە گەڕاونەتەوە بۆ ناوچەکە و کێشەکانی نێوان ھەرێم و بەغدایان بۆ خۆیان قۆستووەتەوە و ئەو مڵکانە بە ھی خۆیان دادەنێن، سەرەڕای ئەوەی ٢٠ تا ٢٥ ملیۆن دیناریان وەرگرتووە.

باسی له‌وه‌ش كرد، ئەو عەرەبانە دەزانن ئێستا حەشدی شەعبی ھاتوونەتە ناوچەکە و کورد دەسەڵاتی نەماوە و پارێزگاریش عەرەبە و ھاوکاریی ئەوان دەکات، بۆیە دێن ھەڕەشە لە کوردەکان دەکەن و ئەو ناوچانە داگیر دەکەن و مۆڵەتی چەند ڕۆژێکیان بە کورد داوە، ناوچەکە چۆڵ بکەن، بۆیە ئێمەش دەمانەوێت لە ڕێگەی یاساییەوە ڕێگرییان لێ بکەین و ڕێگە نادەین ئەو کارە سەر بگرێت، چونکە نادەستووری و نایاساییە.

سۆران ئیسماعیل ئه‌وه‌شی خسته‌روو، ھەندێک ئامادەکاریمان کردووە و لە ڕۆژانی داھاتوودا دەست بە کاری خۆمان دەکەین بۆ ئەوەی ڕێگرییان لێ بکەین و ڕێگە نادەین ئەو کارە سەرکەوتوو بێت.

 

Kdp.info





ئەم هەواڵە 2101جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad