English | عربی | Kurdî دواهەواڵ
ڕاستەوخۆ  
 
شڕۆڤەکارێک: ئه‌وه‌ى عه‌بادى ئەنجامیدا مالكى ئەنجامی نەدا
2017-12-30 [12:26 PM]

ZNA - هه‌ولێر


شڕۆڤەکارێکی سیاسی رایگەیاند: ئه‌وه‌ى عه‌بادى كرا و ئه‌نجامیدا مالكى ئه‌نجامی نه‌دا، چونكه عه‌بادى خوێنى پێشمه‌رگه‌ى ڕشت و خه‌لكى ده‌ربه‌ده‌ر كرد و زۆر له‌خۆ بایى بوو.

حکیم محمد شڕۆڤەکاری سیاسی بە ئاژانسی هەواڵی زاگرۆسی راگەیاند: ئه‌وه‌ى هه‌یه روداوه‌كان له ناوچه‌كه به‌گشتى و عێراق به تایبه‌تى به خێرایى گورانكارى به‌سه‌ر دادێت و ئه‌و تاقیكردنه‌وه‌ی كه‌ له رابردوو وه‌رمان گرتووه پێمان ده‌لێت كه هه‌ر كارێكته‌رێكى سیاسى له عێراق پوستى سه‌رۆك وه‌زیرانى وه‌رگرتبێت، بناغه‌ى كاره‌كانى له‌سه‌ر دژایه‌تى میلله‌تى كورد داناوه.

حکیم گوتی: سه‌باره‌ت به وته‌كانى مالكى خۆى سیاسه‌ت مانای به‌رژه‌وه‌ندى، سزاكان له‌سه‌ر كوردستان له بڕینى مووچه بگره تا هێنانى هێز بۆ سه‌ر كوردستان له سه‌رده‌مى مالكى بۆ یه‌كه‌م جار ده‌ستى پێكرد و كه‌وتنى مۆسل بۆ لاواز كردنى كورد و سوننه‌كان بوو به فه‌رمانى مالكى.

هه‌روه‌ها رونیشی کردەوە: مالكى بۆ به‌رژه‌وه‌ندى هه‌لبژاردنى داهاتووى عێراق ناچاره‌ بۆ ئه‌وه‌ى بگاته ده‌سته‌لات له میلله‌تى كورد نزیك بێته‌وه.

ئەو شڕۆڤەکارە سیاسیە دەلێت: به داخه‌وه نه‌بوونى یه‌كرێزى نیشتمانى له ناو حزبه‌كانى كوردستان هه‌موو كات ده‌رفه‌تى خۆش كردووه كه عه‌ره‌به‌كان بۆ به‌رژه‌وه‌ندى خۆیان به كارمان بێنن ، نه خاسمه مالكى كه پێگه‌یه‌كى به هێزى هه‌یه له‌ناو به‌شێك له‌ حزبه‌ سیاسیه‌كانی كوردستان، به‌لام پێویسته سیاسه‌ت وه‌ك خۆى ره‌فتارى له‌گه‌ل بكه‌ى، ئه‌گه‌ر به‌رژه‌وه‌ندى میلله‌تى كورد له‌وه‌دابێت كه ببێته هاوپه‌یمانى مالكى و ئێران ئاسای یه‌.

له كوتایى ده‌لێـ" زوربه‌ى عه‌ره‌به‌كان وه‌ك یه‌كن، كامیان زیاتر به‌رژه‌وه‌ندى كورد بپارێزیت له‌گه‌لى ده‌بین به‌ هاوپه‌یمان و له ئێستادا ره‌نگه مالكى له ئه‌وانى تر باشتر بێت.

احمد غفور





ئەم هەواڵە 3070جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad