English | عربی | Kurdî دواهەواڵ
ڕاستەوخۆ  
 
راوێژکاری ئەنجومەنی ئاسایشی ھەرێمی کوردستان: پێويسته‌ به‌غدا واز له‌ زمانى هه‌ڕه‌شه‌ و سزادانى بە کومەڵ بهێنێت
2017-12-31 [05:20 AM]

ZNA-هەولێر


راوێژکاری ئەنجومەنی ئاسایشی ھەرێمی کوردستان، لە پەیامێکدا پیرۆزبایی ساڵی نوێی، ئاڕاستەی ھاووڵاتییانی ھەرێمی کوردستان و گەلانی جیھان کرد.

مه‌سرور بارزانى، راوێژكارى ئه‌نجوومه‌نى ئاسايشى هه‌رێمى كوردستان له‌ په‌يامێكدا كه‌ به‌ بۆنه‌ى سه‌رى ساڵى نوێى زاينى بڵاويكرده‌وه‌، رايگه‌ياند، پێويسته‌ به‌غدا واز له‌ زمانى هه‌ڕه‌شه‌ و سزادانى به‌ كۆمه‌ڵ بهێنێت. سه‌باره‌ت به‌ ناوخۆى هه‌رێمى كوردستانيش روونيكرده‌وه‌، هه‌ڵبژاردن باشترين بژارده‌يه‌.


دەقی پەیامەکەی مەسرور بارزانی، راوێژکاری ئەنجومەنی ئاسایشی ھەرێمی کوردستان


بە بۆنەی‮ ‬سەری ساڵی‮ ‬نوێی زاینییەوە،‮ ‬پڕ‮ ‬بە دڵ پیرۆزبایی‮ ‬خۆم لە‮ ‬گشت ھاونیشتمانیانم لە ھەرێمی‮ ‬کوردستان و گەلانی جیھان دەکەم‮. ‬

‎ئاواتەخوازم لەم ساڵە نوێیەدا ‮نەھامەتی‮ ‬و شەڕ‮ ‬و توندوتیژییەکان کۆتاییان بێت و ئاشتی و ئاسایشی ھەمیشەیی بەرقەرار بێت.‬

‎‮ھاتنەوەی سەری ساڵی نوێی زاینیی ‬لە کاتێکدایە، کە ھەرێمی کوردستان وێرای قوربانیدان و سەرکەوتنە مێژووییەکانی بەسەر تیرۆریستان و گەیاندنی پەیامی ئاشتیانەی خۆی لەرێگەی پرۆسەیەکی دیموکراتییەوە،بەڵام لە ئەنجامی عەقڵیەتی خۆسەپێنی بەغدا و گەلەکۆمەکی و دان نەنان بە مافە سرووشتیەکانی دووچاری واقیعێکی نەخوازراو بووەتەوە، کە بەھۆیەوە ھاووڵاتیانی لە دۆخێکی سەخت و ناھەموار دەژین

‎‬ ھاودەنگ لەگەل زۆربەی‮ ‬جەماوەری‮ ‬خۆراگری‮ ‬کوردستان،‮ ‬داوا لە حزبە سیاسیەکان دەکەم بە ئاڕاستەی چارەسەرکردنی کێشە ناوخۆییەکان و پاراستن و پێشکەوتنی قەوارەی ھەرێمی کوردستان و ئەنجامدانی ھەڵبژاردنێکی گشتی وەک باشترین بژاردە ھەوڵەکانیان چڕتر بکەنەوە

‎ھەروەھا ئومێدەوارین بەغدا واز لە زمانی ھەڕەشە و سزادانی بە کۆمەڵ و نانەوەی ئاشوب و خۆدزینەوە لە بانگەوازە ئاشتیخوازەکانی ھەرێمی کوردستان بۆ چارەسەرکردنی گشت کێشەکانی نێوان بەغدا و ھەرێمی کوردستان بێنێت، کە ھاوکات داخوازی کۆمەڵگەی نێودەوڵەتیشە

‎لەم بۆنەیەدا جارێکی دی دەستخۆشانە و سوپاسگوزاریی‮ ‬گەرمی‮ ‬خۆم ئاراستەی‮ ‬گشت خانەوادەی سەربەرزی شەھیدان و پێشمەرگە قارەمانەکان و گیان لەسەردەستانی‮ ‬پێکھاتەکانی‮ ‬ئەنجوومەنی‮ ‬ئاسایشی‮ ‬ھەرێمی‮ ‬کوردستان وخۆراگری و پەرۆشی ھاووڵاتیانی کوردستان دەکەم، کە بەردەوام ھێزێکی لە بننەھاتووی پاراستن و بەدیھاتنی   دەستکەوتەکانن

‎جارێکی‮ ‬دیکەش ساڵی‮ ‬نوێ پیرۆزە و ئاواتمان بەختەوەری‮ ‬و خۆشی‮ ‬و شادیی‮ ‬ھەمیشەیی‮ ‬ھەمووتانە و ئومێدەوارین جیھانی ئازاد رێز لە مەینەتی و قوربانیدان و ویستی ئازادانە و مافی چارەنووسی گەلە ئاشتیپەروەرەکەمان بگرێت

‎مەسرور بارزانی‮ ‬
‎راوێژکاری ئەنجوومەنی ئاسایشی ھەرێمی کوردستان

31/12/2017





ئەم هەواڵە 2902جار خوێندراوەتەوە
 
 
ڤیدیۆ گەلەری
خەونی ھەمو ئافرەتێک , کەسێکی ئاوای ھەبێت
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad