English | عربی | Kurdî دواهەواڵ
ڕاستەوخۆ  
 
ھەفتەی داھاتوو کۆمیسۆن و پەرلەمان و حکومەت کۆدەبنەوە
2018-01-01 [10:44 AM]

ZNA- ھەولێر


کۆمیسیۆنی باڵای هەڵبژاردن دەتوانێ لە مانگی 4ـی 2018ـدا هەڵبژاردن لە هەرێمی کوردستان ئەنجامبدات. کۆمیسیۆن پێداچوونەوە بە تۆماری دەنگدەران دەکات و، هەفتەی داهاتوو لەگەڵ پەرلەمان و حکومەتی کوردستان کۆدەبێتەوە بۆ بڕیاردان لە ئەنجامدانی هەڵبژاردن. 

بەپێی ئەو پلانەی دانراوە لە 13ـی مانگی داهاتووەوە تاوەکو 7ـی 2 دەرفەت بە قەوارە سیاسییەکان و کەسایەتیی سەربەخۆ دەدرێت تاوەکو ناویان تۆماربکەن. کۆمیسیۆن لە 8ـی شوباتەوە بۆ ماوەی 25 رۆژ کار لەسەر نوێکردنەوەی تۆماری دەنگدەران دەکات.

لە 20ـی ئادارەوە کەمپەینی هەڵبژاردن دەسپێدەکات، تاوەکو 10ـی مانگی چوار بەردەوام دەبێت، دواییش هەڵبژاردن دەکرێ.

کۆمیسیۆنی باڵای هەڵبژاردنەکان هەفتەی داهاتوو بە حکومەت و پەرلەمان دەڵێن کەی دەتوانن هەڵبژاردن ئەنجامبدەن، بەڵام داواکاریی یەکەمی کۆمیسیۆن وەکو شێروان زرار، گوتەبێژی کۆمیسیۆن دەڵێ: لەهەموو شت گرنگتر بۆ ئەوەی دەست پێبکەین، پارەیە.

هەرچەندە چاوەڕێ دەکرێت هەفتەی داهاتوو حکومەت و پەرلەمان و کۆمیسیۆن بۆ دیاریکردنی رۆژی هەڵبژاردن کۆبببنەوە، بەڵام شوان شێخ ئەحمەد، ئەندامی لیژنەی یاسایی پەرلەمان دەڵێ، سەرۆکی ئەنجوومەنی وەزیران دەتوانێ خۆی رۆژەکە دیاریبکات و پەرلەمان بە گرتنەبەری هەندێك رێوشوێنی یاسایی کارەکەی حکومەت تەواوبکات.

لەئەگەری دیاریکردنی رۆژێک بۆ هەڵبژاردن، دەبێت پەرلەمانی کوردستان بە یاسایەک ئەو یاسایە هەڵبوەشێنێتەوە کە تەمەنی خۆی بۆ وەرز درێژکردەوە، بەمەش هیچ گرفتێکی یاسایی لەبەردەم ئەنجامدانی هەڵبژاردن نامێنێت.
 





ئەم هەواڵە 958جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad