English | عربی | Kurdî دواهەواڵ
ڕاستەوخۆ  
 
کەنەدا سەرۆکایه‌تی ئه‌م خولەی جی ٧ وه‌رگرت
2018-01-03 [10:18 AM]

ZNA-هه‌ولێر


کەنەدا لە یەکی کانوونی دووەمی ٢٠١٨ەوە بووە سەرۆکی ئەم خولەی حەوت وڵاتە پێشکەوتووەکەی جیھان (جی ٧).
 
کەنەدا کە لە یەکی کانوونی دووەمی ٢٠١٨ەوە بۆ ماوەی یەک ساڵ سەرۆکایەتی جی ٧ دەکات و لە ٨-٩ی حوزەیرانی داھاتوودا لە ناوچەی جارلیڤۆکس سەر بە ویلایەتی کیبیک، میوانداری ٤٤ـەمین لووتکەی خولی سەرکردەکانی جی ٧ دەکات کە ئەوەش حەوتەمین لووتکە دەبێت ئەو وڵاتە میوانداری بکات.
 
سەرۆکوەزیرانی کەنەدا، جەستن ترودۆ لە روونکردنەوەیەکیدا ئاماژەی بەوە کرد کە پرسی سەرەکی ٤٤ـەمین لووتکەی سەرکردەکانی جی ٧ بریتی دەبێت لە بابەتەکانی "دۆزینەوەی چارەسەری راستەقینە و بەرجەستەی ھاندانی گەشەی ئابووریی کە بۆ ھەمووان دەشێت، یەکسانی رەگەزی کۆمەڵایەتی و بەھێزکردنی ئافرەتان و وزەی خاوێن".
 
وتیشی: "وەک ھاوبەشانی جی ٧، بەرپرسیارییەتیمان ھەیە لەسەر ئەوەی ھەموو ھاووڵاتییانمان سوودمەندبن لە ئابووریی جیھانی، دڵنیابوون لە جێھێشتنی جیھانێکی تەندروستتر، ئاسوودەتر و ئارامتر بۆ منداڵ و نەوەکانمان".
 
گرووپەکە کە لە ساڵی ١٩٨٨ەوە تا ٢٠١٤ ھەشت ئەندامی ھەبوو و، بە جی ٨ ناسرابوو، بە ھۆی داگیرکردنی دوورگەی کریمیا لە لایەن رووسیاوە لە ساڵی ٢٠١٤دا، رووسیا لەو گرووپە دەرکرا و دوای ئەوە بە جی ٧ ناسرا.
 
گرووپی جی ٧ کە لە وڵاتانی کەنەدا، فەڕەنسا، ئەڵمانیا، ئیتاڵیا، ژاپۆن، بەریتانیا و ئەمریکا پێکھاتووە لە ھەمان کاتدا بە بەھێزترین حەوت وڵاتی ئابووریی جیھان ئەژمار دەکرێت.





ئەم هەواڵە 2191جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad