English | عربی | Kurdî دواهەواڵ
ڕاستەوخۆ  
 
به‌غدا... نوێنه‌ری وه‌زاره‌تی په‌روه‌رده‌ و ته‌ندروستی هه‌رێم له‌گه‌ڵ لایه‌نی به‌غدا كۆبوونه‌وه‌
2018-01-04 [03:56 AM]

ZNA - هه‌ولێر


هه‌ردوو وەزارەتی پەروەردە و تەندروستی حكومه‌تی هه‌رێمی كوردستان رایانگه‌یاند، ئه‌مڕۆ له‌به‌غدا کۆبوونەوەی لیژنەی باڵای وردبینیکردنی میلاکی هەردوو وەزارەتی پەروەردە و تەندروستیی هەرێمی کوردستان ئه‌نجامدرا، بڕیار درا، تاكۆتایی وردبینی به‌رده‌وام بن و هه‌رێم ئاسانكاری بۆ گه‌یشتن به‌ ئه‌نجامێكی باش ده‌كات.

ئه‌مه‌ش راگه‌یه‌نراوی وه‌زاره‌تی په‌روه‌رده‌ و ته‌ندروستییه‌:

سەرلەبەیانی ئەمڕۆ پێنجشەممە، لە دیوانی وەزارەتی پلاندانانی عێراقی فیدراڵ یەکەم کۆبوونەوەی لیژنەی باڵای وردبینیکردنی میلاکی هەردوو وەزارەتی پەروەردە و تەندروستیی هەرێمی کوردستان و بە ئامادەبوونی سەرۆک و تەواوی ئەندامانی لیژنەکە ئەنجام درا.

لە کۆبوونەوەکەدا کە تا كاتژمێر یه‌كی نیوەڕۆ درێژەی هەبوو، زانیاری تەواو و وردی مووچەخۆرانی هەردوو وەزارەت (بە پێی سیستەمی بایۆمەتری و بە مووچەی تەواو و بێ پاشەکەوت) پێشکەش بە سەرۆک و ئەندامانی لیژنەکە کرا. لیژنەکەش بە ئەندامانی هەردوو وەزارەتی پەروەردە و تەندروستی حکومەتی هەرێمیان ڕاگەیاندووە کە "بە زووترین کات و لە ڕێگەی لیژنەی هونەری تایبەت و بە هەماهەنگی لەگەڵ دەستەی چاودێری دارایی عێراق دەست بە وردبینی لیستەکان دەکەن و دوای پێکهێنانی لیژنە فەرعییەکان سەردانی هەرێم دەکەن بۆ دیاریکردنی چەند بابەتێک بۆ وردبینی" و داوا لە ئەندامانی هەردوو وەزارەت کراوە کە هەماهەنگی و کارئاسانی زیاتریان هەبێت.

لە کۆبوونەوەکەشدا بڕیار لەسەر ئەوە دراوە کە:

  •  کۆبوونەوەکان بە پێی پێویست و تا کۆتاییهاتنی وردبینی، بەردەوام بن.
  • هەرێم هەموو ئاسانکاری و هاوکارییەک بۆ گەیشتن بە ئەنجامێکی باش، دەستەبەر بکات.

 

وەزارەتی پەروەردە و وەزارەتی تەندروستی

بەغدا ـ ۲٠۱۸/۱/٤





ئەم هەواڵە 1108جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad