English | عربی | Kurdî دواهەواڵ
ڕاستەوخۆ  
 
كه‌ خۆیان به‌ده‌سته‌وه‌ نه‌دا به‌ زه‌بری هێز ڕاپێچی دادگایان بكه‌ن
2018-01-08 [05:22 AM]

نووسینی: بەکر ئەحمەد


پێشمه‌رگه‌، مووچه‌خۆر و هاووڵاتی، بۆیه‌ سێ ساڵ باجی كه‌ممووچه‌یی و بێمووچه‌یی ده‌ده‌ین، له‌ پێناو سه‌روه‌ریی نه‌ته‌وه‌یی و ده‌وڵه‌تی سه‌ربه‌خۆدا بوو.
نابێ باجی ده‌نگدان بۆ سه‌ربه‌خۆیی، سیاسیی گه‌نده‌ڵ و خیانه‌تكار نه‌گرێته‌وه‌. به‌رگه‌ی هه‌رچیی نه‌هامه‌تییه‌ گرتوومانه‌ بۆ چه‌سپاندنی دادی كۆمه‌ڵایه‌تی، سه‌روه‌ریی یاسا و حوكمڕانیێكی خۆییی یه‌كسانخواز بووه‌.
باوه‌ڕم وایه‌، تاكه‌ ڕێچاره‌ كه‌ له‌ده‌ست پارتی و یه‌كێتیدا ماوه‌، ڕێككه‌وتنی بێچێندوچوونیانه‌، گێڕانه‌وه‌ی ڕۆڵی ڕابه‌رایه‌تیكردنی ئه‌م قۆناغه‌ سه‌خته‌یه‌ بۆ مه‌سعوود بارزانی و ده‌بێ هه‌م ده‌ستكراوه‌ و هه‌میش هه‌مووان پشتیوانی بن. با نه‌خشه‌كه‌ی ته‌واو بكات. 
هه‌ڵبه‌ت له‌ سه‌ره‌تادا ده‌بێ به‌بێ جیاوازی و گه‌وره‌ و بچووك، نزیك و دوور له‌ نێو هه‌ردوو حزبدا گه‌نده‌ڵكار و خیانه‌تكاران سزا بدرێن، كه‌ خۆیان به‌ده‌سته‌وه‌ نه‌دا، به‌ ئه‌نجامدانی خیانه‌تی نیشتیمانی ڕاپێچی دادگایان بكه‌ن و سزایان بده‌ن. مڵك و ماڵه‌ به‌ ناشه‌رعی كه‌ڵه‌كه‌بووه‌كانیان لێ بستێننه‌وه‌ و به‌ شێوه‌یه‌كی دادپه‌روه‌رانه‌ بۆ مه‌به‌ستی ته‌واوكردنی دابینكردنی مووچه‌ به‌ كاری بێنن. 
ده‌بێ سامانی پڕۆژه‌ نیشتیمانییه‌كان، بیره‌نه‌وت و پڕۆژه‌زه‌به‌لاحه‌ ناشه‌رعییه‌كان بگه‌ڕێندرێنه‌وه‌ بۆ حكوومه‌ت و بۆ به‌رژه‌وه‌ندیی گشتی بخرێنه‌ كار.
كه‌ ئه‌مه‌تان كرد، كه‌ جیاوازیی چینایه‌تیتان بنبڕ كرد، خه‌ڵك سێ و چوار نا، ده‌ ساڵی دیكه‌ به‌رگه‌ی سه‌ختییه‌كان ده‌گرێ.
پشتیوانی بن تا بارزانی ده‌وڵه‌تی یاساسه‌روه‌ری ڕابگه‌یێنێ و به‌ خوێن پارێزگاری لێ ده‌كه‌ین. به‌ڵام، چی دیكه‌ درێژه‌دان به‌ سیاسه‌ت و ڕیسكتان له‌سه‌ر حیسابی پێشمه‌رگه‌ی به‌دبه‌خت و مووچه‌خۆری پله‌ ئاسایی و هاووڵاتی شه‌كه‌ت، نه‌ك بێ مانایه‌، پێشبینیی ده‌رهاویشته‌ی باشی لێ ناكرێ.
كه‌ هه‌موو وه‌ك یه‌ك بووین له‌ به‌رانبه‌ر ئه‌رك و مافدا، تێكۆشان و ماندووبوونتان به‌رهه‌می ده‌بێ، حزب و بزووتنه‌وه‌ و ڕه‌وتی پۆپۆلیست و تازه‌هه‌ڵتۆقیویش، بۆ به‌ره‌ژه‌وه‌ندیی خۆیان چی دی ناتوانن هه‌ڕه‌شه‌ له‌ سه‌قامگیریی خه‌ڵك بكه‌ن. ئه‌وكات دنیایش به‌ سیاسه‌تی خۆیدا ده‌چێته‌وه‌ و داگیركارانیش ناتوانن گه‌لێكی یه‌كگرتوو قڕ بكه‌ن، ئه‌مه‌ بكه‌ن بۆ تاهه‌تایه‌ سه‌رده‌كه‌وین.





ئەم هەواڵە 7123جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad