English | عربی | Kurdî دواهەواڵ
ڕاستەوخۆ  
 
وەزیرى ئەوقاف لەگەڵ ئەندامانى باڵاى بۆردى رێکخستنى  گوتارى ئایینى  کۆبووەوە
2018-01-09 [01:45 AM]

ZNA-هەولێر


ئەمڕۆ سێشەممە  2018/1/9 لە دیوانى وەزارەت به‌ڕێز د.پشتیوان سادق عبدالله  وەزیرى ئەوقاف و کاروبارى ئایینى بەوەکالەت بەئامادەبوونى هه‌ریه‌ك له‌ به‌ڕێزان د.دیار عزەددین جه‌بارى بەڕێوەبەرى گشتى  کارگێرى و دارایى  و د. عبدالله  گرتکى سەرۆکى یەکێتى زانایانى ئایینى ئیسلامى کوردستان، کۆبوونەوەى ژمارە (1) ى ساڵى تازەى 2018 لەگەڵ ئەندامانى باڵاى بۆردى رێکخستنى گوتارى ئایینى وەزارەت کۆبووە.

لەسەره‌تاى کۆبوونەوەکە به‌ڕێز وەزیرى ئەوقاف بە گەرمى  بەخێرهاتنى  ئەندامانى باڵاى بۆردى رێکخستنى گوتارى ئایینى کرد و دەستخۆشى لە ئەندامانى باڵاى بۆرد کرد کە لە ماوەى ڕابردوو بەوپەڕى هێز و توانایاوە کاریان کردووە بۆ جێبەجێکردنى خاڵ و ڕاسپاردەکانى کۆنفرانسى ڕێکخستنى گوتارى ئایینى کە ئامانج لێى بەڕەوپێش بردنى پرۆسەى گوتارى ئایینییە لە هەرێمى کوردستان، بەتایبەتی کردنەوەى خولى پەرەپێدانى مامۆستایانى ئایینى لە پارێزگاکانى هەرێم کە لە ماوەى ڕابردوو ئەنجامدرا.

دواتر سەرجەم ئەندامانى باڵاى بۆرد چەند خاڵ و پێشنیارێکیان خستەروو بە ئامانجى زیاتر ڕێکخستنەوە راسپاردەکانى کۆنفرانسى گوتارى ئایینى بەتایبەتى ئەوەى پەیوەستە بە بابەتى ووتارى هەیینى و کاتى  ووتار و رێکخستنى  ئیدارەى مزگەوتەکان و حوجرەى فەقێیان، هەروه‌ها ئەو بڕیارانەى کە دەردەکرێن بەشێوەیەکى زۆر باش کارا بکرێن لەرێگەى ئەوقافەکان، هەروەها خولى بەردەوام بۆ مامۆستایانى ئایینى لەسەرجەم شار و شارۆچکەکان لەناویشیاندا کردنەوەى پەیمانگاى کوردستان بۆ گوتاربێژى لە ئایندەیەکى نزیکدا کە یەکێکە لە ڕاسپاردەکانى کۆنفرانسى رێکخستنى گوتارى ئایینى سەرجەم کارەکانیشى کۆتایى هاتووە، هەروەها رێخۆشکردن بۆ ئەو مامۆستایانەى خوازیارى خوێندنن بەتایبەتى لەکوردستان و هەماهەنگى کردنى وەزارەتى ئەوقاف لەگەڵ وەزارەتى خوێندنى باڵاى هەرێم  بە ئامانجى کارئاسانى بۆ خوازیارانى خوێندن بەتایبەتى خوێندنى باڵا، مەرجەکانیش بگونجێ لەگەڵ خوێندنى شەرعى نەک مەرجى تر کە جیاوازە لە پسپۆرى خۆیان بەتایەتى بابەتى توانستى زمانى ئینگلیزى کە رێگریەکى ڕاستەوخۆیە لەخوازیارانى خوێندنى باڵا.

پاشان بریاردرا لە ئایندەیەکى نزیکدا بەکردنەوەى پەیمانگاى کوردستان بۆ گوتاربێژى کە سەر بە وەزارەتى ئەوقاف کاروبارى ئایینى دەبێت، هەروەها پشتیوانى کردن لە هەر بڕیارێک کە لە لیژنەى بۆردى باڵا گوتارى ئایینى دەریدەکات.

کۆنفرانسى رێکسخستنى گوتارى ئایینى لەرۆژانى 8-9  2016/11 بە ئامادەبوونى رێزدار نێچیرفان بارزانى سەرۆکى حکومەتى هەرێمى کوردستان و بە بەشدار 500 مامۆستاى ئایینى بەرێوەچوو تیایدا 16 خاڵ و راسپاردەى لێکەوتەوە .





ئەم هەواڵە 1075جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad