English | عربی | Kurdî دواهەواڵ
ڕاستەوخۆ  
 
قائیمقامیەتی سلێمانی: خواردنی پستەی رەنگکراو زیانی بۆ تەندروستی ھەیە
2018-01-09 [05:07 AM]

ZNA- سلێمانی


 

بەھۆی بەکارھێنانی رەنگ و بڕێکی زۆر لیمۆندۆزی لە ئامادەکردنیدا، لیژنە ھاوبەشەکان له سلێمانی دەست بەسەر بڕێکی زۆر پستەی رەنگکراودا دەگرن و سەرۆکی لیژنە ھاوبەشەکانیش ئاگاداری ھاوڵاتیان لەبەکارنەھێنانی دەکاتەوە و لە ھەر شوێنێکیش بفرۆشرێت دەستی بەسەردا دەگرن.

 

"گۆران قادر" سەرۆکی لیژنە ھاوبەشەکانی قائیمقامیەتی سلێمانی ووتی: لیژنە ھاوبەشەکان دەستیان بەسەر بڕێکی زۆر پستەی رەنگکراوودا گرتووە کە بەپێی ڕێنماییە تەندروستیەکان خواردنی ئەوجۆرە گونجاو نییە و زیانی بۆسەر تەندروستی ھاوڵاتیان بەگشتی و بەتایبەت منداڵ ھەیە.

 گۆران قادر ووتیشی: پێکھاتەی ئەو رەنگە خۆراکیە بۆ خواردەمەنیە ساردەکان دروستکراوە بەڵام  برژارندنی لەگەڵ پستەکەدا بەھا خۆراکیەکەی لەدەست دەدات و دەبێتە ماددەیەکی زیان بەخش کە جێگەی مەترسیە بۆسەر تەندروستی مرۆڤ.

ووتیشی: بەشێوەیەکی گشتی بەکارھێنانی لیمۆندزی کە پێکھاتەیەکی کیمیاییە و لە زۆربەی وڵاتانی دنیا قەدەغەیە کراوە، مەترسی بۆسەر مرۆڤ دروست دەکات و بەکارھێنانیشی بە بڕێکی زۆر لەگەڵ ئەورەنگەی بۆ پستەکە بەکاردەھێنرێت زیانەکەی چەند بەرامبەر دەکات.

 

سەرۆکی لیژنە ھاوبەشەکان ئاگاداری فڕن و دوکاندارەکان دەکاتەوە لە ئامادەنەکردن و نەفرۆشتنی پستە بەوشێوە، ھەروەھا داوا لە ھاوڵاتیان دەکات خۆیان و مناڵەکانیان بەدوور بگرن لە خواردنی ئەوجۆرە پستەی بەوشێوە ئامادە دەکرێت، و لە کاتی ھەبوونی لە دوکانەکاندا لیژنە ھاوبەشەکانی قائیمقامیەت ئاگاداربکەنەوە.

 

گۆران قادر ئاماژەی بەوەش کرد، بەفەرمانی قائیمقامی سلێمانی ئەو پستەی دەستی بەسەردا گیراوە لە ناوچەی تانجەرۆ و لەلایەن لیژنەی لەناوبردنی سەربەلیژنە ھاوبەشەکانەوە، لەناودەبرێت.





ئەم هەواڵە 6154جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad