English | عربی | Kurdî دواهەواڵ
ڕاستەوخۆ  
 
چوونا شاندێ ڤان حزبا بۆ بەغدا بێهنا خیانەتەکا دیتر لێ دهێت لێ برەنگەکێ سیاسی نەک لەشکری
2018-01-10 [01:06 AM]

ZNA - هه‌ولێر


چاڤدێره‌كێ سیاسی راگه‌هاند: پشتی خیانەتا نشتیمانیا ۱٦ ێ ئکتۆبەرێ ڕەوشا سیاسی و ئابووریا کوردستانێ ئاڵوزتر بۆ، بۆ چارەسەریا ڤێ ئاریشا سیاسی سیاسیا کوردستانێ پیدڤی بۆ هەمی حزبێن کورستانی ملێ خۆ دابا بەر ڤێ قەیراێ و بارێ حکومەتا هەڕێما کوردستانێ سڤک کربا، مخابن پرانیا وان هەوڵێن تەشەنەترکرنا قەیرانێ دا وەک خۆنیشاندانێن ل هندەک دەڤەرێن سڵێمانیێ.

غیاس خالد زێباری نڤیسەر و چاڤدێرێ سیاسی ب ئاژانسی هه‌واڵی زاگرۆسی راگه‌هاند: چوونا شاندێ ڤان حزبا بۆ بەغدا بێ رەزامەندیا پەرلەمان و حکومەتا هەرێمێ بێهنا خیانەتەکا دیتر لێ دهێت لێ برەنگەکێ سیاسی نەک لەشکری، ئەگەر سەرکردێن ڤان حزبا دخەما کورد و کوردستانێ بانە ئەڤ گاڤە ب ئێک لایەنی نەدهاڤێت، لدەمەکێ دا لایەنێ بەرامبەر ( دەسهەلاتدارێن عیراقێ ) هەڕێما کوردستانێ دوورپیچ کریە و هەوێن جینۆساید و تەعریبکرنا کوردا دەست پێکریەڤە، پێدڤی بۆ ئەڤ ڕەفتاڕێن نە مرۆڤایەتی و نە دستۆری و نە یاسایی و نە ئەخلاقیێ دەسهەلاتا عیراقێ دژی کوردا ماندەل کربا نەک ئەڤ گاڤە هاڤێتبان. 

غیاس خالد گوتژی: ب دیتنا من چونا شاندا گوران و گومه‌ل و هاوپەیمانی بۆ به‌غدا مەبەستا وان هنده‌ک رێکەفتنێن سیاسی نە دگەل حزبێن عیراقی ب تایبەت یێن دەسهەلاتدار بۆ هندەک دەسکەفت، پوستا، چۆنکی عیراق بەرەڤ هەلبژاردنا دچیت و ئەڤ ڕەنگە سەرەدانە دێ زۆرتر بن.   

ئه‌و نڤیسه‌رو چاڤدێره‌ دا دیاركرن: گاڤێن باش هەنە بۆ لێک نێزیک بوونا حکومەتا هەرێمێ و بەغدا و دەستپێکرنا دانۆستاندنا بۆ چارەسەرکرنا ئاریشێن دناڤبەرا وان دا، ئەز باوەرم لڤان نێزیکان دانۆستاندن دێ دەستپێکەن چونکی گفاشتنەکا نیڤ دەولەتی لسەر عیرڤێ یە و عیراقێ ژی بۆ هەلبژاردن و حکومەتا داهاتی پیدڤیا ب کوردا هەی نەخاسمە حکومەتێ، بڤێ چەندێ ڕۆل و ڕێکەفتنێن شاندێ ڤان حزبین نهو چویە بەغدا نامینن چونکی عیراق ژی باش دزانیت کی حزبا کوردستانی خودان سەنگ و جەماوەر و بریارە، لەوما ئەز باوەر ناکەم ئەو لایەن بشێن نۆنەرایەتیا کوردستانێ بکەن و عیراق وی مافی نادەتێ، لێ ئەڤ ڕەنگە سەرەدانە د بەرژەوەندا عیراقێ نە کۆ بکەنە بەهانە بۆ نەبۆنا ئێک رێزیا کوردی. 

هه‌روه‌سا گوتژی: ئەز عیراقیبوونێ دڤان حزبان دا دبینم نەک کوردایەتیێ و دبیت عیراق ڤان حزبا زیدەتر ئامادە بکەت بۆ چەسپاندنا کیان و هزرا عیراقیبوونێ ل کوردستانێ و کوردستان وەک خودان هەڕێم و سنۆر و جوگرافی  و ئیدارە و لەشکر نەمیت، مەحالە خەلکێ کوردستانێ پێ ڕازی ببیت.

حه‌فتیا بووری شاندا گۆڕان و کۆمەڵ و هاوپەیمانی، بێ ره‌زامه‌ندیا حكوومه‌تا هه‌رێم و په‌رله‌مانی سه‌ره‌دانا بەغدا كر دگەڵ سەرۆکوەزیرێن عراقێ  حەیدەر عەبادی کۆمبوون.

احمد غفور





ئەم هەواڵە 1255جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad