English | عربی | Kurdî دواهەواڵ
ڕاستەوخۆ  
 
ئۆپێرا وێنفری خۆی بۆ سەرۆکایەتی ئەمەریکا ئامادە دەکات
2018-01-10 [04:15 AM]

ZNA – هەولێر   


میدیاکانی ئەمریکا بڵاوینکردووەتەوە، خانمە پێشکەشکاری تەلەڤزیۆنیی ئەمریکی، ئۆپێرا وێنفری، خۆی بۆ پۆستی سەرۆکی ئەمریکا کاندید دەکات کە بڕیارە لە ٢٠٢٠ـدا بەڕێوەبچێت.

 

ئەو کەسایەتییە میدیاییە لە دوای ئەوەی وتارێکی لە ئاهەنگی بەخشینی خەڵاتەکانی گۆلدن گلۆپدا پێشکەشکرد، تێیدا بەرگری لە ئازادی رۆژنامەگەری کرد.

 

ئەو پێشکەشکارە لە چوارچێوەی ئاهەنگەکەدا خەڵاتی سیسیلی وەک ریزلێنانێک لە تەواوی کارە هونەرییەکانی پشکەشکرا، بەمەش بووە یەکەم ئافرەتی رەشپێست ئەو خەڵاتە وەربگرێت.

 

ئۆپێرا وەک ناودارترین پێشکەشکاری تەلەڤزیۆنی لە ئەمریکا و جیهان دەناسرێت و بەرنامەکانی زۆرترین بینەریان هەیە.

 

تاوەکو ئێستا وێنفری هیچ لێدوانێکی لەبارەی خۆ کاندیدکردن بۆ پۆستی سەرۆکایەتی ئەمریکا نەداوە.

 

رۆژی دووشەممەی رابردوو، خەڵاتەکانی گۆڵدن گلۆب بۆ باشترین بەرهەمە سینەماییەکان دابەشکران کە بە دووەم گرنگترین خەڵاتی سینەمایی لە دوای ئۆسکار لە ئەمریکا دەناسرێت.

 

بابەتی سەرەکی خولی ئەمساڵی خەڵاتەکە، لەبارەی دەستدرێژی و گچەڵی سێکسی بوو، کە بەم دواییە ژمارەیەک سینەماکار باسیان لەوە کردووە کە بوونەتە قوربانی دەستدرێژی و گێچەڵی سێکسی لە کەرتی بەرهەمهێنانی سینەماییدا لە هۆلیوود.

 

بەشێک لەو سینەماکارانەی ئەو تۆمەتەیان خراوەتە پاڵ، لە کاندیدبوون بۆ خەڵاتەکانی گۆڵدن گلۆب دوورخرانەوە.

 

هەر بۆ ئەم مەبەستە رێخەرانی خەڵاتەکە بودجەیان بۆ ئەو کەسانە تەرخانکردووە کە دەستدرێژیان کراوەتە سەر و پارێزگارییان لێدەکرێت.

 

هەر فیلمێک یان سینەماکارێکی خەڵاتی گۆڵدن گلۆب وەبرگرێت، چانسی وەرگرتنی خەڵاتی ئۆسکاری زیاتر دەبێت.

 





ئەم هەواڵە 2995جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad