English | عربی | Kurdî دواهەواڵ
ڕاستەوخۆ  
 
رێژەی بینەرانی ئاهەنگی گۆلدن گلۆب کەمی کردووە
2018-01-10 [04:21 AM]

ZNA – هەولێر   


بە بەراورد لەگەڵ ساڵی پاردا، رێژەی بینەرانی ئاهەنگی دابەشکردنی خەڵاتەکانی گۆلدن گلۆب، ٥% کەمی کردووە.

 

هەرچەند ئەمساڵ لە ئاهەنگەکەدا تیشک خرایە سەر بابەتی دەستدرێژی و گێچەڵی سێکسی لە نێو کەرتی بەرهەمهێانی سینەماییدا، کە بابەتێکی گرنگی ئێستای هۆلیوود و جیهانە، بەڵام رێژەی بینەرانی کەمی کردووە.

 

ژمارەی بینەرانی ئەمساڵی ئاهەنگی گۆلدن گلۆب، ١٩ ملیۆن بینەر بووە.

 

ئاهەنگەکە ماوەی سێ کاتژمێری خایاند و چەندین چالاکیی جیا جیای لەخۆگرت، گرنگترینیان دابەشکردنی خەڵات بوو.

 

لە ساڵی ٢٠١٧ـدا، ئەم ئاهەنگە ٢٠ ملیۆن بینەری هەبوو.

 

رۆژی دووشەممەی رابردوو، خەڵاتەکانی گۆڵدن گلۆب بۆ باشترین بەرهەمە سینەماییەکان دابەشکران کە بە دووەم گرنگترین خەڵاتی سینەمایی لە دوای ئۆسکار لە ئەمریکا دەناسرێت.

 

بابەتی سەرەکی خولی ئەمساڵی خەڵاتەکە، لەبارەی دەستدرێژی و گچەڵی سێکسی بوو، کە بەم دواییە ژمارەیەک سینەماکار باسیان لەوە کردووە کە بوونەتە قوربانی دەستدرێژی و گێچەڵی سێکسی لە کەرتی بەرهەمهێنانی سینەماییدا لە هۆلیوود.

 

بەشێک لەو سینەماکارانەی ئەو تۆمەتەیان خراوەتە پاڵ، لە کاندیدبوون بۆ خەڵاتەکانی گۆڵدن گلۆب دوورخرانەوە.

 

هەر بۆ ئەم مەبەستە رێخەرانی خەڵاتەکە بودجەیان بۆ ئەو کەسانە تەرخانکردووە کە دەستدرێژیان کراوەتە سەر و پارێزگارییان لێدەکرێت.

 

هەر فیلمێک یان سینەماکارێکی خەڵاتی گۆڵدن گلۆب وەبرگرێت، چانسی وەرگرتنی خەڵاتی ئۆسکاری زیاتر دەبێت.

 





ئەم هەواڵە 2869جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad