English | عربی | Kurdî دواهەواڵ
ڕاستەوخۆ  
 
شاندێكى هه‌رێمى كوردستان سه‌ردانى به‌غدا ده‌كات
2018-01-13 [09:52 AM]

ZNA-هەولێر


بڕیارە ئەمڕۆ شاندێکی حکومەتی ھەرێمی کوردستان سەردانی بەغداد بکات و لەگەڵ بەرپرسانی حکومەتی عێراق کۆببێتەوە بۆ گفتوگۆکردن لەسەر داھاتووی فڕۆکەخانەکان و خاڵە سنورییەکانی ھەرێم.

بەپێی زانیارییەکان شاندە حکومییەکەی ھەرێم پێکھاتووە لە کەریم سنجاری وەزیری ناوخۆ و مەولود باوەمراد وەزیری گواستنەوە و گەیاندن، کە بڕیارە لەگەڵ مەھدی عەلاق ئەمینداری گشتی ئەنجومەنی وەزیرانی عێراق و وەزیری ناوخۆی عێراق و چەند وەزیر و بەرپرسێکی دیکە کۆببنەوە.

شاندەکەی حکومەتی ھەرێم لەگەڵ بەرپرسانی بەغداد پرسی بەڕێوەبردنی دەروازە سنورییەکان و کردنەوەی فڕۆکەخانە نێودەوڵەتییەکانی ھەولێر و سلێمانی تاوتوێ دەکەن.

دوای ئەنجامدانی ریفراندۆمی سەربەخۆیی کوردستان لە ٢٥ـی ئەیلوولی ٢٠١٧، کە تێیدا زیاتر لە %٩٢ـی دەنگدەران دەنگیان بە سەربەخۆیی کوردستان و جیابوونەوە لە عێراق دا، حکوومەتی عێراق بڕیاری داخستنی فڕۆکەخانەکانی کوردستانی دا، وەک سزایەک بەسەر گەلی کوردستان.


رێباز یونس





ئەم هەواڵە 2227جار خوێندراوەتەوە
 
 
ڤیدیۆ گەلەری
خەونی ھەمو ئافرەتێک , کەسێکی ئاوای ھەبێت
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad