English | عربی | Kurdî دواهەواڵ
ڕاستەوخۆ  
 
بەرپرسی ناوچەی پارتی لە خورماتوو: ھێزێکی عێراقی لە خورماتوو مالی ھاولاتیان دەپشکنن
2018-01-13 [02:54 AM]

ZNA-ھەولێر


بەرپرسی ناوچەی پارتی دیموکراتی کوردستان، لە خورماتوو راگەیاند، ئەو هێزە عێراقییەی هاتووەتە خورماتوو، ماڵی هاووڵاتیان دەپشكنن و بەدوای چەكدا دەگەڕێن، هەروەها بەشێكیشان چوونەتە سەر چیای هەنجیرە و لە ڕۆژانی داهاتووشدا ئەگەری ڕوودانی شەڕ هەیە.

 

ئەرسەلان عەلی، بەرپرسی ناوچەی پارتی دیموکراتی کوردستان لە خورماتوو بە ئاژانسی ھەواڵی زاگرۆسی ڕاگەیاند: سێ رۆژ لەمەو بەر ھێزێکی بەرپەچدانەوەی خێرا ھێنراوەتە خورماتوو، ئەمرۆ ئەم هێزە لە خورماتوودا ماڵەكان دەپشكنن و بەدوای چەكدا دەگەڕێن، هەروەها بازگەكانی دەوروبەری خورماتوویان لە حەشدی شەعبی وەرگرتووە و چەند ماڵێكی كوردیان لە گەڕەكە كوردییەكان و مەڵبەندی یەكێتیش كە پێشتر حەشدی شەعبیی تێدا بوو، كردوویانە بە بارەگا و تێیدا جێگیر بوون.

 

بەرپرسی ناوچەی پارتی دیموکراتی کوردستان لە خورماتو گووتی: ئێستا خورماتوو لە ژێر حوکمی ئەو ھیزە دایە، وە گەران بەدوای چەکدا لە ھەموو گەرەکاکنی شارۆچکەکە دەکەن، ھیچ ھاولاتیەکیشیان دەستگیر نەکردووە.

 

ئەرسەلان عەلی گوتیشی: بەشێك لەو هێزە چوونەتە سەر چیای هەنجیرە و لە ڕۆژانی داهاتووشدا ئەگەری ڕوودانی شەڕ ھەیە لەگەل ئەو ھێزەی کە پاشماوەی رێکخراوی تیرۆرستی داعشن، هەروەها ئێستا كەس بۆی نییە لە خورماتوو چەك هەڵبگرێت بە حەشدی شەعبیشەوە، هەرچەندە حەشد لە خورماتوودا بارەگایان ماوە، بەڵام وەك پێشتر جووڵەیان نییە.

 

 

رێباز یونس





ئەم هەواڵە 1006جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad