English | عربی | Kurdî دواهەواڵ
ڕاستەوخۆ  
 
نازم ھەرکی: باشترین چاره‌سه‌ر ئه‌وه‌یه‌ بودجه‌ى خۆمان له‌ نه‌وتى كوردستان دابین بكه‌ین
2018-01-13 [03:09 AM]

ZNA-ھەولێر


په‌رله‌مانتارێكى كوردستان داوا ده‌كات، له‌برى چاوه‌ڕێكردنى به‌ڵێنه‌كانى عه‌بادى بۆ خه‌رجكردنى مووچه‌، هه‌رێمى كوردستان ده‌ستبه‌ردارى عێراق ببێت و پشت به‌ ئابووریی سه‌ربه‌خۆ ببه‌ستێت.

 

نازم هه‌ركى، ئەندامی پەرلەمان كوردستان، لە فراکسیۆنی پارتی دیموکراتی کوردستان بە ئاژانسی ھەواڵی زاگرۆسی ڕایگه‌یاند: "ئه‌وه‌ى عه‌بادى به‌رامبه‌ر به‌هه‌رێمى كوردستان ده‌یكات، نایاسایی و پێشێلكردنى ده‌ستووره‌ و ئامانج لێی سوودوه‌رگرتنه‌ له‌ هه‌ڵبژاردنه‌كان، ئێمه‌ به‌ هه‌موو جیهانمان ڕاگه‌یاند، كه‌ سه‌رۆك وه‌زیرانى عێراق كات ده‌كوژێت و ئاماده‌ى گفتوگۆكان نابێت، ده‌بێت هه‌رێمى كوردستان پشت به‌ ئابووریی سه‌ربه‌خۆ ببه‌ستیت و چاكسازی له‌هه‌موو سێكته‌ره‌كان بكات، ھەروەھا باشترین چاره‌سه‌ر ئه‌وه‌یه‌، بودجه‌ى خۆمان له‌ نه‌وتى كوردستان دابین بكه‌ین.

 

ئەندامی پەرلەمانی کوردستان لە فراکسۆنی پارتی دیموکراتی کوردستان گوتی: "باشتره‌ له‌وه‌ى پشت به‌ به‌ڵێنه‌كانى عه‌بادى ببه‌ستین، ئه‌گه‌ر ده‌ست بكه‌ین به‌ چاكسازى و ئه‌و بڕه‌ نه‌وته‌ش به‌ باشى هه‌نارد بكرێت، به‌تایبه‌ت له‌گه‌ڵ به‌رزبوونه‌وه‌ى نرخى نه‌وت له‌ بازاڕه‌كاندا، ده‌توانین دۆخه‌كه‌ باش بكه‌ین، بۆیه‌ باشترین چاره‌سه‌ر ئه‌وه‌یه‌ ده‌ستبه‌ردارى عێراق ببین".

 

نازم ھەرکی گووتیشی:‌ حه‌یده‌ر عه‌بادى، له‌مامه‌ڵه‌كردن له‌گه‌ڵ وه‌زاره‌ته‌كان و پارێزگاكان، كه‌ به‌دڵنیاییه‌وه‌ به‌و شێوه‌یه‌یش پێناچێت مووچه‌ بنێرێت، مه‌به‌ستى هه‌ڵوه‌شاندنه‌وه‌ى قه‌واره‌ى هه‌رێمى كوردستانه‌، ئه‌مه‌ش جگه‌ له‌وه‌ى ناده‌ستوورییه‌، هاوكات جێگه‌ى قه‌بوڵیش نییه‌.

 

 

رێباز یونس





ئەم هەواڵە 4117جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad