|
 |
|
|||
ZNA- ھەولێر ھەرچەندە کاری سەرۆکی زانکۆ ئەوەیە پارێزگاری لە قوتابیان بکات و ئاگاداری حاڵەتەکان بێت بەڵام ھەندێک جار بارودۆخەکە لە کۆنترۆل دەردەچێت . لە پێگە گۆمەڵایەتیەکان گرتەیەکی ڤیدیۆیی بڵاوبووتەوە کە تێیدا قاسم بەدری سەرۆکی زانکۆ کچانی خەرتووم (پایتەختی سودان) لە دوو کچە قوتابی دەدات . کچە قوتابییەکان رێپوانێکیان لەنێو زانکۆکە رێکخست بوو بەھۆی بەرزبوونەوەی نرخەکانی خواردن لەنێو زانکۆکەیان . قاسم بەدری سەرۆکی زانکۆی کچانی خەرتووم کەسایەتیەکی دیاری وڵاتی سودانە و بەناوبانگە بەوەی داکۆکیکارە لە مافەکانی ئافرەتان , بەڵام لەم گرتە ڤیدیۆیە بەم شێوەیە بەدەرناکەوێت . لەمبارەیەوە قاسم بەدری رایگەیاند : یەکێک لە قوتابییە کچەکان لە دواوە لێیدام منیش لەم کاتە تووڕە بووم و ئەم ھەڵسوکەوتە خراپەم کرد و دواتریش داوای لێبوردنم لە قوتابیەکان کرد . بنەماڵەی قاسم بەدری یەکێکن لە بنەماڵە بەناوبانگەکانی سودان وباپیری قاسم یەکەم کەس بوو ھانی کچانی دا بۆ خوێندن لە زانکۆکان و بەدامەزرێنەری زانکۆ کچانی سودان دادەندرێت . یاسین ئەحمەد |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad