English | عربی | Kurdî دواهەواڵ
ڕاستەوخۆ  
 
هاووڵاتیانی ویلایه‌تی هاوایی به‌هه‌واڵێك تووشی شۆك ده‌بن
2018-01-14 [11:23 AM]

​ZNA – هه‌ولێر


هاوڵاتیانی ویلایەتی هاوایی ئەمریکا بە نامە ئاگادارکرانەوە کە بە موشەک هێرشیان دەکرێتە سەر، تا ئەو کاتەی ئاشکرابوو ئەو هەواڵە دوورە لە ڕاستیەوە، توشی ترس و دڵەڕاوکێ بوون.

ماڵپەڕی بی بی سی بەریتانی بڵاویکردووەتەوە، هاوڵاتیانی ویلایەتەکە سەرلەبەیانی ڕۆژی شەممە نامەیەک بۆ موبایلەکانیان چووە کە تیایدا نوسراوە "هاوایی کەوتووەتە ژێر مەترسی موشەکی بالیستییەوە، دەستبەجێ بە شوێن پێگەیەکدا بگەڕێن، ئەمە ڕاهێنان نیە".

ئەو نامەیە ترس و دڵەڕاوکێی لای هاوڵاتیان ویلایەتەکە دروستکرد، لە گرتەیەکی ڤیدیۆییشدا کە لە تۆڕەکۆمەڵایەتییەکان بڵاوکراوەتەوە دەردەکەوێت خوێندکارانی زانکۆی هاوایی لە ترسدا ڕادەکەن و بەشوێن پەناگەیەکدا دەگەڕێن.

دواتر دەیڤد ئیگۆر سەرۆک شارەوانی ویلایەتەکە هەواڵەکەی ڕەتکردەوە و داوایلێبوردنی لە هاوڵاتیان کرد، وتیشی "کارمەندێک دەستی بە دوگمەیەکی هەڵەدا ناوە و ئەو نامەیە بۆ هاوڵاتیان چووە" هەروەها، بەرپرسانی ویلایەتەکە لە ڕێگەی تۆڕە کۆمەڵایەتییەکان و تابلۆی سەر شەقامەکانەوە دڵنیاییان بە هاوڵاتیاندا کە ویلایەتەکەیان لە ژێر مەترسی هێرشدا نیە.

هاوکات حکومەتی ئەمریکاش ڕایگەیاند، لێکۆڵینەوە لە هۆکاری ناردنی ئەو نامەیە بۆ هاوڵاتیان دەکرێت. لە کۆتایی جەنگی ساردەوە، ئەمە یەکەمجارە زەنگی ئاگادارکردنەوەی هێرشی ناوکی لە ئەمریکا لێدەدرێت.

 





ئەم هەواڵە 784جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad