English | عربی | Kurdî دواهەواڵ
ڕاستەوخۆ  
 
سلێمانی؛ سەبارەت به بەکارهێنانی نێرگەلەی کارەبایی هۆشداری دەدرێت
2018-01-14 [04:47 AM]

ZNA- هەولێر


 

بەپێی راگەیەندراوێکی قایمقامیەتی سلێمانی، "بەھۆی بڵاوبوونەوە و فرۆشتنی بە مناڵی خوار ھەژدە ساڵ، لیژنە ھاوبەشەکانی قایمقامیەتی سلێمانی ئاگاداری دوکان و فرۆشگای بازار و گەرەکەکان دەکاتەوە، نێرگەلەی کارەبایی بە مێرد منداڵ نەفرۆشن، سەرۆکی لیژنە ھاوبەشەکانی قائیمقامیەتی سلێمانیش رایدەگەیەنێت ھەرشوێنێک سەرپێچی بکات رووبەرووی یاسا دەکرێتەوە."

 

گۆران قادر، سەرۆکی لیژنە ھاوبەشەکانی قائیمقامیەتی سلێمانی دەڵێت: "لەبازاردا جۆرە نێرگەلەیەک بڵاو بۆتەوە کە بەپیل و باتری کاردەکات، دوکاندارانی بازار و گەرەکەکان بە مناڵی خوار ھەژدە ساڵیان فرۆشتووە، دایکان و باوکان سکاڵایان لای لیژنەکان تۆمارکردوە."

 

سەرۆکی لیژنە ھاوبەشەکان وتیشی: "نێرگەلە زیانی زۆری بۆ سەر تەندروستی مرۆڤ ھەیە، بەتایبەت منداڵ کە پێویستە رێگریان لێبکرێت لە بەکارھێنان، خاوەنی ھەر دوکانێک نێرگەلە بە مێرد منداڵ بفرۆشێت، رووبەرووی یاسا دەکرێتەوە. "

 

ھەروەھا ئەوەشی ڕاگەیاندووە: "ھەروەھا کافتریاکانی نێرگەلە ئاگادارکراونەتەوە رێگری بکەن لە ھاتوچۆکردنی منداڵی خوار ھەژدە ساڵ و نابێت نێرگەلەی پێشکەش بکرێت، ھەر شوێنێک سەرپێچی لە رێنماییەکانی کارکردن بکات، لەلایەن لیژنە ھاوبەشەکانەوە رووبەرووی یاسا دەکرێتەوە.

 

گۆران قادر، داوا لە دایکان و باوکان دەکات چاودێری منداڵەکانیان بکەن، رێگریان لێبکەن لە بەکارھێنانی ئەو جۆرە نێرگەلە و لە گومانی ھەبوونی لە دوکانی گەرەکەکاندا لیژنە ھاوبەشەکانی لێ ئاگاداربکەنەوە."

 

VOA





ئەم هەواڵە 5923جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad