English | عربی | Kurdî دواهەواڵ
ڕاستەوخۆ  
 
رۆحانی: ئه‌مه‌ریكا نه‌یتوانی رێككەوتنە ئەتۆمییەكە لاواز بكات
2018-01-14 [09:02 AM]

ZNA - هه‌ولێر


 

ئەمڕۆ حەسەن رۆحانی، سەرۆك كۆماری ئیسلامی ئێران، لەمیانی وتارێكدا ستایشی رێككەوتنە ئەتۆمییەكەی كرد، و بە "سەركەوتنی هەمیشەیی" بۆ ئێران وەسفیكرد و رایگه‌یاند، ویلایەتە یەكگرتووەكانی ئەمەریكا لە لاوازكردنی رێكەوتنی ئەتۆمی نێوان تاران و زلهێزەكانی جیهاندا شكستیهێناوە.

ئێران پێی وایه‌ ڕێككەوتنە ئەتۆمییەكە شیاوی ئەوەنییە جارێكی دیكە گفتوگۆی لەسەر بكرێتەوە، وتیشی، پابەنددەبێت بە رێككەوتنەكە هەتاوەكو ئەو كاتەی وڵاتانی دیكە رێز لەرێككەوتنەكە بگرن، بەڵام رێككەوتنەكە هەڵدەوەشێنێتەوە، ئەگەر ئەمەریكا لێی بكشێتەوە.

رۆژی هەینی ڕابردوو دۆناڵد ترەمپ ، سەرۆكی ئه‌مه‌ریكا ، دوا وادەی بۆ وڵاتانی ئەوروپا دانا، تاكو كەموكوڕییە خراپەكانی ناو ڕێككەوتنەكە چارەسەربكەن، ئەگینا ئەمەریكا لەڕێككەوتنەكە دەكشێتەوە.

بەپێی رێككەوتنەكە، كە لە مانگی تشرینی دووەمی ساڵی 2013 دا لە ژنێڤ لەنێوان ئێران و نەتەوەیەكگرتووەكان ئەمەریكا، فەڕەنسا، ڕووسیا، بەریتانیا، و ئەڵمانیادا واژۆكرا، ئێران ڕازیبوو پرۆگرامی ئەتۆمی خۆی سنورداربكات، ئەوەش لەبەرامبەر هەڵگرتنی گەمارۆ و سزا ئابوورییە سەپێنراوەكان بەسەر تاراندا.

 

ئاژانسه‌كان





ئەم هەواڵە 742جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad